LAL ISUA INNI EM?

Changtute :

1. Zama -Muantea Pa

2. Zopuii-Muantea Nu

3. Muantea

4. Mabiaki

5. Rinpuia 

6. Zorama

7. Dini

8. Muantea nau

Chan 1 na

Lan 1 na

Muantea te in: Muantea nu leh pa chu thutphah ah an thu a, an ti ti a.

Muantea Pa (MP): Muantea nu, hei Krismas lah chu a hnai tawh nasa si a, engtin nge maw kan hmachhawn ve dawn le?

Muantea Nu (MN): Ningawt mai Muantea Pa....ka huphurh ngawt mai. ‘Mas thawhmnaw lah chu Muantea thiante hian an lei nasa tawh si a, Muantea pawh tleirawl a ni ve tawh a, leisakna tur kan nei silo a, ka lainat ngawt mai...(a indawm kun ngaih a)

MP: Ni e tiraw? Keini mi rethei te tan chuan Krismas te hi phurrit a ni deuh ta ngawt mai. Muantea te unau za engmah leina tur pawisa kan han neilo ngawt mai hi chu ka rilru a na ve ngawt mai.

MN: Engmah tih theih kan nei silo a, keipawh hreawm ka ti khawp mai. Muantea a mitmenga beisei ngam chiah silo a min beisei ru deuh si a Krismas thawmhnaw a beisei hmel ka hmuh phei hi chuan ka lainat khawp mai!

MP: Ningawt mai...khawnge Muantea pawh hi a kal a?

MN: A thiante nen Jr TKP Advance Krismas an hmanna tur banner siamin Biak In Hall ah an kal kha...an lo haw tep taw hang...hei zan dar 10 a ri dawn hnai tawh a...

MP: Naktuk zanah maw Advance Krismas kha an hman dawn kha? 

MN: Aw ni e...Gift Exchange te pawh an hmang nghal dawn a nih kha...present leina turin Muantea pawh vawiin ah Pastor te huan a sam fai kha....

MP: A ni tak maw kha...engpawh nise...Muante Nu...kan mu zal mai dawn em ni? Vawiin ka thingput a rit deuh a...ka chau deuh tlat...

MN: Ni e...Muantea te pawh an lo haw ve mai ang..

Chan 1 na   

Lan 1 na

Muantea leh a thiante- Rinpuia leh Zorama te chu Biak In Hall atangin an lo haw mek a..

Rinpuia (Rp) : Zoram...vawiin kan bazaar chu e....nuam ang reng...pheikhawk a mawi khawp hlawm khawp mai...

Zorama (Zr) : A ni maw? Keipawh naktuk ah Bazar ka tum a...eng nge nge i lei a?

Rp: Pheikhawk chu Van Heusen dum ka lei a...kekawr pawh nalh khawp mai...

Zr : Van Heusen chu keipawh lei ve ka duh...naktuk chu min kalpui la...Kamis vel eng nge i lei a?

Rp : Peter England ka lei mai...a common ve a...a tha bawk sia...

Zr : A that mai chu tiraw?...keipawh chute ang vel chu ka lei ve mai ang...naktuk chu min Bazar pui la...

Rp: Ni e...kan tum dawn nia...keipawhin Jordan Retro VI ka bun tawk ka hmu a...lei leh ka duh a...

 Zr: Aw le...Muante...lo kal ve la...i bazaar tawh mi? Hei Bazar a hun viau tawh nia..

Muantea (Mt): (Inthlahrung ru angreng takin) Ka la Bazar hman velo a...

Rp: Hmanloh a hun vak tawhlo nia...thawmhnaw tha chu an chuh zo vek mai ang...sale vel chu a tha tawh tak tak lo...

Zr: Ni e Muante...engtik nge Bazar ve it um a? Naktuk ah kan rualin lo kal ve mai rawh...

Mt: Tunah mai chuan pawisa kan la nei ve theilo a...Lal Isua’n min pek hunah chiah kan bazar ve thei ang...(A kun nghaih a)

Zr: Aw a nih tak chu...kan tawngtai dawn nia Lal Isua hnen ah aw...  

Rp: Ni e...Lal Isua’n engkim a nei a lawm.

Mt: Ka lawm e thiante u...nih hei, in kan thleng ta mai sia...mangtha phawt u aw...

Rp & Zr : Mangtha muttui le...

Chan 2 na

Lan 1 na

Mabiaki leh Dini chu an zaikhawm haw kawngah an kal dun a

Mabiaki (Mb): Dini, kumin Krismas hi mi tuemaw tan thilpek duhna rilru ka nei tlat a, kum tir atang khan pawisa ka khawl a...

Dini (D): Awi a ni maw? Keipawh June thla vel atang khan ka rilru ah tuemaw tan Krismas a malsawmna nih ve hi ka duh a, khawlbawm ka siam a, ka khawl ve nual a sin.

Mb: Awi thiannu leh! A va’n mak em em...i bulah ka sawi ang ka ti reng a..sawichhuahna tur tak a lo nih hi a..

D: Ni e tiraw? Kan inthawh tawm ang a...tute chhungkua emaw kan tanpui dawn em ni?

Mb: Awi...a tha dawn e...kan 2 a kan inthawhtawm phei chuan a tha dawn e...awi...ka phurin ka lawm takzet a ni...

D: Tute nge kan pek ang?

Mb: Ka hre mailo....zanin ah tawngtai ila, naktuk ah inhrilh leh ila tiraw?

D: Aw le..a tha dawn lutuk...zanin ah tihtakzetin kan tawngtai dawn nia...tute emaw tana malsawmna thlentu kan nih hlauh chuan a lawmawm dawn em mai..

Mb: Ni chiah mai...nih thiannu...in kan thleng dawn sia...muttui phawt aw...naktuk ah min lo WhatsApp la...

D: Aw le...zanin a kan tawngtai result kan inhrilh dawn nia...muttui le.

Lan 3 na

Chan 1 na

December 23rd zan a ni a, zan dar 10:30pm a ri tawh a. Muantea te chhungkua chu mu turin an inbuatsaih mek a.

Muantea Pa: Muante, nang chu in unau ah i upa ber a, kan chhungkaw dinhmun i hre thiam ang a, ‘mas thawmhnaw leina tur pawh kan nei lo a, chhel takin in tawrh mai a ngai dawn a ni.

Muantea Nu: Ni e Muante...i pa nen hreawm kan ti takzet a, ruai thehna tur em pawh kan nei zo lo a, mahse Pathian zarah kan chhungkua kan dam tlang a, hlim takin Krismas chu kan hmang ho thei dawn tho a lawm..

Muantea : E khai..a nu...ka hrethiam vek a lawm...lungngai reng reng suh u aw? Kei chuan ka tuar thei lutuk...ka nuate hi ka hawngaih ve deuh a..an la a ve sia... ‘A u..engtik nge kan bazaar ve dawn?’ tih min zawt ve reng a...chhan dan thiam a hrain a hreawm ve thin khawp mai.

(Chutih lai tak chuan kawngka an lo kik kauh kauh a..)

MP: Lo lut rawh..

(Dini, Mabiaki, Zorama leh Rinpuia te chu an lo lut a..)

Muantea: E he..thiante chu..teh hlawl che u chuan...

MN: Awi Mabiaki te, Dini te chu...in lo len luh teh nawlh a...

MP: Zoram, Rinpui, lo thu rawh u..

Dini: Nia hei zan rei tawh lamah kan lo leng lut hlawl mai..

Mabiaki: Nia hei Nu Zo...mut it um taw hang tih chu kan ring sat ho a, mahse lo len luh hi a tul tlat a...

MN: Awi...engthil nge nita a?

D: Englo a ni Nu Zo...Mabiaki nen hian kumin Krismas chu mi tutee maw Krismas present pek kan duh v eve a...kan tawngtai a, nangmahni hi Krismas Present pek a lo lang tlat a. Rinpuia leh Zorama te hi in in a min kalpui turin kan lo sawm a..

MP: E khai aw...In va zahawm in in va fel ve le...a zahthlak in a lawmawm hle mai!

D: Pa Zam...inthlahrunna zahna chhan tur a awmlo reng reng...Pathianin kan tawngtaina a chhang a,  kan lo kal tawp a nih hi....

MN: Awi...kan zakin kan kawm em mai...ka hnuk in ti ulh tlat mai... (Muantea Nu chu a tap ti tih a...Mabiaki chuan a lo kuah vat a)

D: Pa Zam...hei Muantea te Krismas thawmhnaw lei ve nan a hming mai mai in hei hi kan lo pe ang che u...min lo dawn sak theih chuan kan lawm em em zawk ang.

MP: E khai...kan lawm em mai...engmah sawi tur pawh kan hre lo..Pathian hi a va’n tha tak em aw!

(Dini chuan Envelope ah pawisa awm chu Muantea Pa kut ah chuan a hlan a....chutih lai tak chuan Muantea Nau, mipa naupang kum 8 mi chu a lo tho a..an in leng te chu an en he haw a...) 

Muantea Nau: Ih....Lal Isua inni em?

(An en thap a...)

M, D, Rp leh Zr : Aih...nilo e...ngatinge a?

Muantea Nau: Ih...Sunday Sikul a kan zir thin angin Isua hnen ah Mas thawmhnaw leina tur ka dil a, ka tawngtai tawp a...

D: (Muantea Nau chu a pawm nawlh a)...Lal Isua’n pe turin min lo tir a....

Muantea Nau: U Din...Lal Isua hi a tha tiraw?

A tawp ta.....