KAN INNGAIZAWNG EM?

Chapter XXVI

Krismas Present

Hun alo kal ve zel a, Rinawma te college pawh Kirsmas chawlh hmang turin December ni 10 ah a chhuak a. Hetih lai hian Mali te pawh University an chawl tawh a. Mipui mimir chuan Krismas lam an hawi thup tawh a. Aizawl bazar pawh a lun tan tawhin Krismas lam hawi thil lei tur chu bazar ah chuan a awm nuk tawh a. Thingtlang lam atang pawhin Aizawl chu bazar tur in an lo kal khawm tup tup tawh a.

Rinawma pawh Dawrpui Vengthar ah thlengin ni 17 ah an khaw lama haw turin sumo ticket a cut a. Zan lamah chuan Vaivakawn ah Mali chu a zuk rim thin a.

"Mal...kumin Kirsmas hi engti hman nge i tum?"

"A engti zawngin maw?"

"Krismas thawmhnaw te lei i tum em?"

"Hahhaa...naupangchhia tawh e..."

"Mahse Mizo rilru ah chuan Krismas a thawmhnaw thar leiloh hi chu la kim thei tak tak lo..."

"Hahha...ni  ve tho mai..."

Thingpui chu an in dun a..khua chu  avawh tawh avangin Mali chuan shawl a bat a. Rinawma pawh chuan Jacket, Arsenal logo awmna chu a ha bawk a, electric sikri chu an ai dun a. Mali nu chuan la phiar malh mal a. Mali pa erawh chu Pavalai Committe na ah a kal thung a. 

"Mal...hei Scho' tlem kan la ve a...kumin chu ka thawmhnaw leina ai tuemaw pek hi ka rilru ah lang deuh a.."

"A ni maw?....keipawh kum tir atangin ka khawl bawm ah ka dah a...kum tawp ah hman ah ka tia...ka'n la lawk...Nu...khawnge ka khawlbawm kha..."

"I pa in nizan ah pawisa a dah sak ve che a...kan room kha va en teh..."

Mali chu room ah chuan a va lut a. Reilo e ah a khawlbawm nen a lo chhuak a. A khawlbawm chu bawm killi nei, chahbi hmanga a chhin hawn theih tur a company siam sa - Nylon  ani a. Chabi chu a lo keng tel nghal bawk a-

"Mal...tun ah i hawng dawn mi?"   

"Um...pawi mi?"

"A...pawi chuang lo e...ka sawi ve leh i hawng a...hahha"

"Hm...a hma pawhin hawn ka tum tawh a...mahse ka la khekhawl a..."

"Hm....i phakar e a..."

Mali chuan a khawlbawm chu a'n hawng a...pawisa nawi cheng 10, 20, 50 leh 100 te chu a'n phawrh chhuak a. Rinawma nen chuan an chhiar dun a. A vaiin cheng 4750 lai a lo ni a.

"Mal....i va'n khawl tam hman em em...."

"Tamloh hi...pawisa ka neilo lutuk a...class kal reng chuan ka nei theilo...."

"Hei...i nei ngawt zawk a law...Sangli chuang i khawl hman a nia....nitin hman i ngai awm tho sia..."

"Ni ve tho...a chnag chuan chhun a ka thingpui inna ai te ka dah thin a...a nu leh a pa in min thlak pui zauh zauh bawk a...."

"In fel chhungkua hle mai...chuan engtin nge hman dan tur chu nita?"

"Mi chu tanpui i ti ni lawm ni?"

"Ti e...ka Scho mi 5000 hi kan belh nga...singkhat a ni mai a..."

"E..i va phal hnem ve...hahhahaaa"

"A...phal hnem lam pawh nilo...ui dawn chuan kan ui reng dawn a...pek chhuah rawih a ngai nih hi.."

"A ni ve tho.....mi pek tur chu hual deuh sa ka nei a..."

"Khawi a mi...tute?..."

"Hunthar a leimin vanga an inluah insawn te an nia...Vaivakawn field bul ah khuan an awm a..."

"Eng nge an chhungkaw dinhmun?"

"A pa chu nitin inhlawh...a nu chu chawhmeh a zuar thin a, mahse hmanni lawk atang khan a damlo a...Krismas hnai tawh sia...ka lainat lutuk...a la mu reng in ka hria...kan tawngtaipui fo mai...fa 4 an nei a...a upa ber chu mipa kum 10 vel nia..Sunday ah te hian a thawmhnaw hak hi a phuai thei sia...ka lainat tawp zel..."

"A nih tak chu...an unau an rual ve dawn sia...an hautak vanglai tak a nih dawn chu tiraw?"

"Um...ni e...an pa ber hi hah thei lutuk...an nu ber a damloh tang phei chuan...Krismas ruai thehna tur thawhlawm pawh kha an thawh ve pawhin ka hrelo..."

"E...chu ti chu zuk pek vat tur a nih chu tiraw?"

"Um...."

"Engtikah nge ni ang?"

"Ka hre lo...engtik nge i hman hun? Zan in chu tlai deuh tawh sia..."

"Karleh ah ka haw tawh dawn a...zirtawp zan ah pawi ngem? "

"Um...a pawilo ang...programme dang a awmlo in ka hria..."

"Aw le...kan tum dawn nia aw.."

"Aw le"

Eng eng emaw sawiin an ti ti a..dar 9 rikhma deuh chuah Rinawma chu Dawrpui Vengthar lam pan chuan a haw chho ta a.

(Ka mit a kham tawh bakah hun ka nei tawh hrihlo...dar 10:30 ah Library close dawn sia...duhtawk phawt mai ang.)

(End of Chapter XXVI)