KAN INNGAIZAWNG EM?

Chapter XXVIII

Lehkhathawn

Hmanni ah he story chhiar tu pakhat chuan, 'Innei pawh nise, a tawp thleng in 'KAN INNGAIZAWNG EM?' tih a ni reng dawn tih lam hawiin a lo 'comment a. Hei, Mali hi Lehkhathawn hmangin zawt fiah ila a tha ang.

To.

Malsawmtluangi 

Vaivakawn.

Subject: KAN INNGAIZAWNG EM?

Dearest Love Mali,

                             Hmanni khan Story Facebook Group a he story chhiartu mipakhat hian 'He thawnthu hi 'KAN INNGAIZAWNG EM?' tih  a ni reng a, a tawpah pawh innei se a la ni tho ang' tih lam hawiin a lo comment a. Kei tak pawh chu ka buai ta nak mai!

                                    Kan inkar hi ka hriatchianloh vanga 'KAN INNGAIZAWNG EM?' tih hi he thawnthu hminga hmang hi ka ni reng a. Kan inkar hrechiangtu nagber lah chu i ngawi tlat bawk si a. A chhanna mumal tak pek tur ka neihloh avangin kan inngaihzawn leh 'zawnloh zawt in hei lehkha ka lo thawn ta tawp mai che  a ni.    

                                       Kan lo inkawp rei ve ta hle a. Hmanni lawkah pawh Krismas Present te kan pe dun a nih kha. Tin, a 'total' in vawi 3 kan in 'muah' tawh bawk a. Kan thawnthu ah hian kan la inthen tak tak ngailo bawk. Chuti ang chu kan inkar ka hriat theih chhun chu a ni.

                                        Kan thawnthu hi ka titawp lek lek tawh a, mahse a thawnthu hi a laklawh si a, ka la ti tawplo mai mai a ni. Hei, assignment te kan ngah chho tan a. Nagpawh in 'disertation' i ziak mek tih te ka lo hria a. A changtunu leh a changtupa te hi kan thawnthu ziak zel tur hian kan hmanlo tan ta hle mai a. Chuvangin 'KAN INNGAIZAWNG EM?' tih hi min chhang thei tawh mai em?

                                          Hetia kan inchhanloh reng chuan, kei leh he thawnthu tlawm tak chhiar tute pawh hi min ti hrilhhai reng mai chu a ni si a. I hman remchan ve leh WhatsApp ah emaw, phone call in emaw 'KAN INNGAIZAWNG EM?' tih hi min chhang thei la, ka lawm hle ang. 

I chhanna nghaktu,

Lalrinawma Rokhum. 

He lehkhathawn hi Rinawma chuan Mali chu 'Envelope' ah thunin Mali chu a zuk thawn a. love Letter pangngai dawng awm chhun a ni hial awm e-tunlai khawvel changkang tawh takah hian!

 

Mali pawh chuan a lo hmuh ve leh a lo 'fly' let ve leh ta a.

To.

Lalrinawma Rokhum

 Student

Subject: KAN INNGAIZAWNG EM?

He thu hi min zawt zing tawh hle a, chhan che pawh ka duh thin. Mahse ka hrilh fo tawh ang che khan 'kan inkawp a ni.

He zawhna 'KAN INNGAIZAWNG EM?' hi chhang ta vat che ila, kan inkar leh kan thawnthu hi a tawp chawpchilh ve nghal dawn si a. A chhanna mumal tak hi kei ngei pawhin ka la pe theilo ch e, hun in a lo herchhuahpui mai ang.

Nang nen hian kan lo inkawp hlen talo emaw, kan lo inthen hlen ta emaw a nih pawhin ka hmangaihloh vang che leh ka duh loh vang che nilo in ka duh tawh sa reng vang zawk che emaw, ka la duh chhoh zel dawn vang che emaw, ka la inpeih chiahloh vang emaw in tun ah hian heti hi kan la ni rih ani ngei ang. 

Ka tan chuan mi hlu tak i ni a. Zingtin a min lo 'wish' thin te, keimah vanga he Story a lo pian chhuah chhan te, PDF file a 'Zozam Chanchinbu' min lo thawn ziah te hi ka lawm em em a. I tan chuan nagmah ti hrilhhaitu leh ti rilru na fo tu ka ni ang tih hi ka inhrethiam. Mahse hei hi ka duh reng vang leh i chunga rilru chhia ka put vang emaw a nilo tih min lo hriat sak ang che.

Engtikah emaw chuan khuanu remruat kan nih chuan kan la intawng leh em em ang. Nangnena kan hun hman dun tawh zawng zawngte kha ka hre reng a, ka la chhinchhiah ve vek a sin. Kan 'selfie' dun te, i kutna damdawi ka hnawih te, i tawng zet zet te kha ka la hre vek a. Tun maia thil thleng angin ka la hria a sin!

I zawhna 'KAN INNGAIZAWNG EM?' tih hi kei ngeipawhin ka la inchhang theilo a, nang leh nangmah lo zawttu che u chu ka la chhang theilo.

Engpawhnise, Rinawm, ka 'disertation' hi ka'n ziah zawm leh phawt ang nge. Naktuk zing ah min lo 'wish' leh la, "Zozam Chanchinbu' kha lo theihnghilhlo bawk ang che.

Mali,

 Vaivakawn. 

(End of Chapter XXVIII)