Anna W. Waterman-i Pathian hla phuah 'Yes, I Know' tih hla hrelo hi Saptawng chhiar thiam zingah chuan an vang hle awm e. He hla hi Anna-i'n a pasal zu ngawl vei dam leh 'testimony' hmanga a phuah a ni a. Khawvela Pathian hla ropui ber pawl a ni kan ti thei awm e.
Kan duh leh tum reng vang ni biklo hian sual kawng hi nasa takin a zawh theih a. Inchhira inlamlet hi duh fo mahila, a chang chuan a harsa tlat tawh thin a. Drug, Zu adt. leh ruihllo chi hrang hrang te'n min bawi a, chuta tang chuan talchhuah kan harsat tawh thin a, nun pangngai hi neih leh duh mahila kan thei tawh lo thin.
Kan sualna thenkhat phei hi chu a rapthlakin a nasa em em a; mi dangte min hriatpui ve chi pawh a nilo a, mahni a hreawm taka kan tawrh a kan pai ruk tlawk tlawk pawh a awm fo a ni. Chung kan harsatna leh kan sualna te chuan kan nunah phurrit nasa tak a thlen a. Dam reng aia thih mai hi thlan zawk duh kan awm fo a, kan thih pha fo.
Kan nupui pasal, thiante leh ngaihzawngte, kohhran hruaitu leh Pastor te 'share' a dam mai thei tawhlo sualna kan nei a. A thente phei chu sawichhuah chi reng reng lo sual te an la ni zui! Chung kan sual nasa tak mai hmang chuan Setana'n 'Misual dum ber i ni' tih min lo hrilh chamchi a. Kan baihavai takzet thin.
Mahse, en teh..he hlaphuahtu hian a hre chiang a sin! Keini misual vakvai, beiseina nei tawhlo, khawtlang leh chhungkua pawhin a ensan tawh, Kohhran ngei pawhin a ngaihsak tawhlo khawpa nun chhia leh vakvai nimah ila Lal Isua hnen a kal turin min sawm a sin. Tumahin inleng ah, thian ah leh chaw ei tur pawha min sawm tawh loh laiin Pathian fapa Lal Isua chuan min sawm tlat mai. Hawh, Lal Isua hnenah chuan i kal chhin teh ang. Keini mai mai hi eng atan nge maw min tih le? Eng nge min lo tihsak theih reng reng tih i va fiah teh ang.
En te hei..Lal Isua hian keini ang misual zinga sual rapthlak ber te pawh hi min lo chhandam thei tak tak nia maw le! Min la hmangaih cheu nia! Min ten ve miah lo. A thisen hian min lo silfai hneh takzet a sin. Chuvangin inthlahrunglo in i pan tawp ang aw? Mi min sawi leh sel dan tur te 'care' a ngailo. Lal Isua zawk hian kan a hnena kan kalloh hi a hlau em em zawk a, chu chu 'care' zawk ang aw?
Hman atanga kan lo zawn ruk thin kan damna leh lawmna tak tak chu Lal Isuaah hian a lo awm reng a sin! Kan va lo hre har tiraw? Kan sualna thuk ru lutuk leh zahthlak-rapthlak bawk te kha engmah min zawt buai miahlo in min ngaidam hmiah a sin! Chuvangin Lal Isua hian a der mai mai nilo in, a tak takin kan sualna hi min ngaidam a ni tih kan lo hre ta - kan va lawm em!
Lal Isua hi keimahni leh mi zawng zawngte tana inghahna tlak leh belh tlaka lo nih hi tiraw? Kan chaklohna te, kan sualna te leh kan thatlohna te pawha hre vek a, mahse min ngaidam a. Chuchuan kan nun beidawng tur leh kan chau tur hi chakna min pe zel a, kan phurna leh beiseina, inghahna leh rinna chu Lal Isua ah ngei hian a awm a ni tiraw?
Lungngaihna, thihna leh harsatna vawrtawp a lo thlen chang pawhin Lal Isua bawk hi a ni kan bula lo kal vat a min tanpui thin tu chu. Kan lungngaihna zan thim tak pawh A ni chuan zing boruak thiang, khawvar engmawi tak ah min siamsak a, kan hlimloh hi a lo hlau takzet a ni tiraw?
Thlemna itawm em em leh hausak pui lawih tham, do hneh harsa tak tak karah pawh Lal Isua bawk hi a ni tiraw kan invenna? A ni chuan min hum tlat a, kan tan Varam kawngka a lo hawng thin a nih hi. Heng khawvel thil itawm tak tak te hi kan hnawl avang hian kan rethei in kan vakvai dawn reng reng lo a. Kawngdik leh tha zawk, chatuan daih tur ah Lal Isua hian min hruai zawk dawn a lo ni.
Nitin in a hmangaihna leh khawngaihna kan tan a thlawnin min pe reng zawk dawn a, chu chu kan phuloh, hmangaihna vang chauha kan chan a ni. Lal Isua ngei hi ani engkim bul, neitu leh pe thei tu dik tak chu.
Yes I Know
Words & Music: Anna W. Waterman, 1920
Come, ye sinners, lost and hopeless,
Jesus’ blood can make you free;
For He saved the worst among you,
When He saved a wretch like me.
And I know, yes, I know
Jesus’ blood can make the vilest sinner clean,
And I know, yes, I know
Jesus’ blood can make the vilest sinner clean.
To the faint He giveth power,
Through the mountains makes a way;
Findeth water in the desert,
Turns the night to golden day.
In temptation He is near thee,
Holds the pow’rs of hell at bay;
Guides you to the path of safety,
Gives you grace for ev’ry day.
Comments
Post a Comment