KAN INNGAIZAWNG EM?

CHAPTER - XII

Thilthleng thenkhat

Hetia thawnthu te phuah chawp an nih tak hnu hian Mali thlalak hi kan han tar lang ve sek a. Thlalak tar chhuah tur a lawi a nei tawh lo. Hmanni pawh a thlalak ka zuk dil a -

"Mali, hei i thlalak lo sent leh teh"

"Ka damlo a, ka nei tawh lo!"

"Aw...i thlalak kan tarlang ve laklawh tawh si a...tarlan loh ngawt theih pawh nih tawhloh hi"

"A damlo a, thlalak a nei tawhlo ti mai rawh"

"Hm....teh ngawt a...lo sent teh WhatsApp ah"

A mit a durna hi a lo sent a!

"Kha...i huat chi" (Zawngte hmaihup 1)

"Heti ang ka tarlang duh awzawng lo...pangngai deuh lo sent teh... a hrim hrim in ngatinge nge i mit te hi i dur huam reng reng a?  

"Eng nge pawi a mi?"

"Pawi e...hemhuam a...i zaklo mi?"

"Min hau peih em mai!"

"Hauh ngaiin i awm a lawm...heti ang lo thlalak hi lo sent tha teh"

"I chimawm sia aw!!!!"

"Facebook - Messenger ah zawk lo thawn teh aw...Computer atanga WhatsApp tih leh chu buaithlak..."

A thlalak 2,  lei chhuah lai leh mi siai lai chu a lo sent a. Ka lungawi vaklo na in a dang han hman mai tur chu a awm tawh bawk silo a.

"Heilo hi a dang i neilo mi? Hei pawh chu a va tha em em chuanglo ve.."

"A tha... a dang ka nei tawh lo"

 Ka hnial peih tawhlo a...bakah ka ziak mek bawk nen - inhauhna hun a awm tawh lo a. Ka pawm zam ta vel mai mai a.

Ka ziahzawh hnuah a link ka va thawn a WhatsApp ah -

"Hei thlalak chu i hman reng hi"

"Aw...hmanloh theih ni hek lo"

"Ka la chhiar hman lo aw..."

"Aw le...keipawh lehkha ka chhiar dawn"

Min lo chhang let tawh lem lo a. A damloh thu ve ka ziah chu an inchung nu in a ringhlel a, a zuk kal a. Mali chu khum ah a lo mu in a lo dam thalo tak tak si a, mak a ti hle ni awm e. Zan ah kan inbe leh zuai a-

"Vawiin mi kha ngaihnawm i ti em?

"Aw...mahse 'Muah' tih vel kha i ziak lang a...a zahthlak!

"A....a ho e...kan phuah mai mai tho a lawm!"

"Ngatinge WhatsApp -a ka thil ziah ang zawng zawng te kha i 'paste' vek a?"

"'Paste' a ni lo aw...ka type vek a nih kha..paste chu ziah sa copy a va dah leh hi...hei hu chu hah taka ka ziah chawp vek a ni"

"I tawng thei sia....i chimawm sia aw...sawi hma kha ngaihawm rum rum zel"

"I thil ngaih a ho em mai!"

Kan inhnial bang thei dawn chuang lo. Tihian duh tawk kual vel tawh mai ang...a hnial hrat reuh em mai...Hmeichhe tawngthei tak chu a nih hi (Min ngei leh ngawt ang chu...pawilo....ka hlau chhe ther te lo.....Malsawmtluangi mai mai!)

Zirtawpni zingah Phone in kan inbia a-

"ICU a ka awm thu i ziah khan ka hlauthawng teh a nia...min tawngchhiat hneh ropui si"

"Hei...i dam tan tawh kha...ka lo ziak dam vat ang che...naktukah lo kan i duh em?"

"Inleng ka nei peih hlei nem..."

"Ka lo kal ang a....ka lo tawngtai dawn che lawm..."

"Awi...kal mai teh! Ka duh teuhlo!"

"Eng nge...min ringlo mi a?"

"Aw...ka ring hlawl lo che..."

"A va ho mai mai e aw..."

"Ih e...nang hi chu ka ring hawl lo che.."

A zahthlak ve hle mai...mahse mi zaktheilo ngang ka nia...zahna chang pawh ka hre chuang lo.

"Chuti maw? Ka power hi a chak nasa nia...ka tawng damlo che a...ka tawngtai dam mai dawn che sin"

"I chimawm a nih chu"

Ka tawngtai chu a duh lo tak tak sia, ka tawngtai ta lo mai! A damlo kan thu vel chu thawnthu lamah khan in en tawh a, sawi zui tawhlo mai ang.

Nimin tlai ah WhatsApp ah min lo text a -

"Kan veng nu in i damlo mi tiin phone ah min lo bia a, ka nuih a za tawp!"

"A that nasat chu..."

"Facebook ah te hian Friend Request ka dawn phah teuh....mahse tumah ka confirm lo"

"A lawmawm lamah i ngai mai ang aw?"

A thawnthu a a changtupa ka thih tir ringawt kha 'fair' lo min ti ve nak nak a. Keipawhin Tragedy a tihtawp mai chu ka duh biklo a...ka rilru ah thil hrang hrang a lo lang a...ka'n ziahzawm leh ta tawp chu a nia.

Min lo chhiarsak ve thintu mi 200 dawn lai mai te an lo awm ve hi ka lawm em em a. Min lo chhiar sak miahlo ta pawh ni ula ka vui lo....a ziah hrim hrim hi chu kan dam a Pathianin rem a tih chuan kan la ziak zel ang. 

A changtupa hi Pro. Pastor emaw Missionary emaw a la ni mai thei a, Mali nen hian an inhmu thei dawn lo a....chuti ang tur chuan kan ziak chho zel dawn nia. A thawnthu hi a kan sawi tawh ang khan 'live'  a ni a...phuahchawp leh chawploh a inzat a....phuahchawp ho pawhin hi a taka lo la thleng thut thei vek a ni tih erawh hre tel ta mai mai ila...Pathian thu thu ni e.

I lo chhiar ve duh avangin ka lawm em em a ni.

(End of Chapter XII)