KAN INNGAIZAWNG EM?

CHAPTER - VII

Damlohna

September 12

Nilaini zing kar a a ni. Zan lamah Rinawma chuan Mali chu class kal loa Rinawma thawmhnaw suk tur lo lam tur in a sawm fiam tih kan chhiar tawh kha - han chhunzawm ta zel ila.

5:58AM

Mali: Morning......

Rinawma: Tho tawh em? Min ngailo si!

6:54AM

Mali: Aw..

Rinawma: I harh leh chiah ni maw?

Mali: Teuh lo....

Rinawma: Nih...eng nge i tih a?

Mali: Ka awm mai mai...

Rinawma: Awihawmloh e...

Mali: A ni lawm...

Rinawma: Vawiin chuan kal lo mai la?

Mali: Kal loh ngawt theih loh a lawm....Assistant CR ka nih hi...

Rinawma: Ti leh lawi si...class in neih chuan loh kha...ka'n inbual ang nge.... 

Mali: Okk..

Hetih lai hian MZU hian Vice Chancellor an neihloh avangin zirlaite chuan class an kal ngailo a, University ah erawh chuan an kal thin - Mali sawi dan in.

8:07AM

Rinawma: Chaw kan eikham chiah...i ei tawh em?

Mali: Ei lo....

Rinawma: I kal dawn ta lo mi? Yes...insuk tur chu i lo la dawn ni maw?

Mali: Kal dawn...

Rinawma: Kal loh ve mai awm...lehkha in zir chuang silo...i kal dawnlo a...a nuam..

Mali: Ka sawi peih tawh lo....

Rinawma: Ka kal peihlo i tihna....

9:13AM

Rinawma: I kal ta mi?... hlimlo leh nuamlo deuhin hun hmang ang che...I kal luih avangin i riltam em em rawh se...ruah surin nan che rawh se!  (Nui per chuai chuai)

Mali: I sual em mai....min tawng chhiat ang nge...in veng ah current awm suh se..

Rinawma: Hei Story mi tur hi thlalak min lo thawn rawh..... Facebook ah...

Mali: Aw le...

Zanriah eikham a ni tawh a...

7:41PM

Mali: I va reh ve....

Rinawma: Awihawm loh!

Mali: Min va be tha peihlo ve Lalrinawm....Ka ngei lutuk che...

Rinawma: Ngati maw?

Mali: Ka damlo....min tawngchhiat vek....ka hrawk a na lutuk...min tawngtaipui thei...

Rinawma:  In uluk teh aw...i chau viau em? I na vak ang nge...

Mali: Okkkkk....

Rinawma: Muhil duh em?

Mali: Duh lo....

Rinawma: In uluk la...lo dam mawlh ang che...i damloh chuan a nuam miahlo nia!

Mali: Nangmah lawm....min tawng chhiat...ka ngei che...

Rinawma: Min ngei tak takloh kha.....a ruk takchuan min ngaih em kha aw...

Mali: Chimawm sia aw....

Ningani a ni a, Mali chu damlohna vangin class a kal peihlo a, a mu ta reng a. A changin a luak titih bawk a. Rinawma chuan a ngaihtuah ru hle a, mahse Hostel ah a awm avangin tih theih engmah a neilo.

Chhun dar 12 ah Rinawma te chuan Hostel ah chhun thingpui an in a, Mali nen chuan rei vaklo an inbia a. Mali chuan a that thu leh a hrawk a thip em em thu a lo hrilh a. 

Rinawma chuan tha taka damdawi ei tur leh tui lum te in tur in a hrilh a. Chawhnu lamah chuan Rinawma chuan Lehkha a chhiar ve nuap nuap a...darkar hnih vel hnu ah chuan a lo muhil a.

Phone a lo in ring ral ral a....Rinawma chuan phone chu a'n en a... a number hriat ngailoh a lo ni a. 

"Hello"

Phone: "Rinawma i ni ang chu maw?"(Mipa aw a ni a)

"Aw ni e...eng nge nita?"

"Mali...Malsawmtluangi i hria tiraw?"

"Aw hria e...eng nga tinge?"

Rinawma chu a ngaih a tha lo deuh hlek a, mak a ti deuh bawk.

"Mali classmate ka nia...an class CR...."

"Aw...a nih chu...eng thil nge nita?"

"Vawiin Mali class kal kha a hritlang lutuk a...a khuh nasa in a luak reng a... a chau deuh thut a!"

"Tunah engtin nge awm?' (Rinawma chu a mangang tawh hle a.)


"Tunah hian Durtlang Hospital ah a awm mek a...oxygen pek an tum mek a...Mali phone ah i message kan hmuh hian a thiantha ber i nih kan ring a...kan lo phone nghal che a..."

"Damdawi In ah chuan ka lo kal nghal ang.."

A va mak ve maw le! Darkar 3 kalta mai pawh khan Mali chu a pangngai vek si a. Engmah chuti ang a han 'serious' tur thil engmah a awm silo a. Tun ah damdawi in ah a biak helihtheih loh maw? Kar a va rei lo ve?! Engnga ti teh thut nge?

Khinga chunga zawhna khi Rinawma ngaihtuahna luah tlut tlut tu a ni.

Minute 10 hnu ah chuan Rinawma chu Durtlang Hospital a Mali awmna bul khumah chuan a ding a.. Doctor leh Nurse te chuan Mali chu Oxygen peka ICU a nawr luh mai tha an tih thu an sawi a..

Mali engmah hre tawh manglo, lo la meng chang chang bulah chuan Rinawma chu a va kal a..Mali chuan chau tak chung hian a lo melh a..

Rinawma: Mali...Sawmpui...i la kal theilo a nia...kan thawnthu hming khi a chhanna pawh i la pek loh kha...

Mali chuan Rinawma thu sawi chu a chhang let lo naa a mit meng chuan Rinawma chu a melh kiau a...chau tak chungin a nui hlek a...

Nurse te chuan Oxygen  chu Mali hnar ah chuan vuahin ICU a awm tur chuan muangchangin an nawr a. Rinawm chuan Mali chu a melh a. Mali pawh chuan a lo melh ve zuai a....a maimitchhing ta hrih a.

ICU -a an nawrluh hma chiah chuan-

Rinawma: Mal....Ka hmangaih che...zawhna chhan tur i la nei a nia..

(End of Chapter VII)