KAN INNGAIZAWNG EM?

Chapter XX

I Chimawm!

Khatia phone chhia a lo en leh taka thil thleng chu bung hmasa lamah kan chhiar tawh kha-han chhunzawm ta zel ila..

"I chimawm em mai aw!!"

"Eng nge ka chimawm na?"

'Ka inriloh laiin......"

"Inring rengin awm rawh u tih ziak a nih kha..."

"Hm...."

"Bakah Phone pawh hei a that leh phah a, a zia riau a sin..."

"Phone that lehna chhan pawh nihloh kha a....a lo tha ve tawp a nih kha..."

"A teuhlo...kan in 'muah' hma zawng khan a en theiloh kha aw...."

"Hmm....awihawmloh..."

"A ni lawm... Magic Kiss a niang..."

"Chuti ang a awm ngai a mi?"

"Awm ngai e....kha Chuck film ah pawh awm kha..."

"Chuck hi i sawi ve ziah...engtin nge awm a?"

"Kha...Sarah-i khan a hriatna a hloh khan...Morgan-a khann Chuck hnenah Sarah-i chu vawikhat kiss se, a hriatna a lo let leh a rin kha...."

"Chuan...a lo let leh mi?"

"Aih...a film kha tawp daih lawm..."

"Hm...ho leh si ve..."

"Ho lo...min hnial reng suh!"

"Chimawm.....Lalchimawm!"

"Min ngaih em kha aw..."

"Ka ngai bawklo che..."

"Min ngailo la chuan lo chhuk turin min tilo ang..."

"Aw...i lo chhuk chak ve sia....ka khawngaih che a.."

"Hm..."

Rinawma chuan Mali chal ah a pen lawlh a!

Mali nu Vaivakawn Bazar pawh a lo haw a, thingpui hmeh a lo lei a. Mali chuan an zavai tan chhun thingpui intur chu a siam kerh kerh a.

Dar 4:00PM

Rinawma thamhnaw suk ho chu an seng a, Rack shack ah chuan an thun mawlh mawlh a. Tichuan Hostel lam pan tur chuan Rinawma chu Mali te in atang chuan a chhuak a. Mali chuan Vaivakawn Taxi stand thleng a thlah a.

"Tluang deuhin i chho dawn nia.." 

"Engtik nge kan inhmuh leh ang?"

Ngai tawhlo...i chimawm em mai!"

"I ti tak tak a mi?...sawi tha teh.."

"Aw...ka ti tak tak...i chimawm zel a...inhmu tawhlo mai ang..."

"Hm...i sual em mai...accident a nih kha!"

"Hm...accident a nilo...i tih luih  anih kha..."

"A hma pawhin nangpawhin Accident i tia...ka pawm vek a...pawm ve mai la...."

"Ka pawm peihlo...saw Taxi...chho rawh..."

"Aw...ka chho ang...tlai ah i chaw ei pawh tui suh se...chaw eitui lo!"

"Hm...min tawng chhiat leh nge aw..."

"I tha em mai...kan tawng vanga chhe mai mai chi i nilo..."

"Chimawm....kal mai teh...nih aw...tluang takin le..."

Rinawma chu Taxi Chanmari lam pan chuan a chuang chho ta a.

7:56PM

Jack-a leh Rinawma chu Rinawma Hostel room ah chuan an titi dun a..

"Chu...vawiin chu i zuk chhuak hlawhtling bawk maw?"

"Ka hlawhtlin dan hi ka hrethiam thin lo..."

"Eng ge awmzia?"

"A chang hi chuan min duh ve tak tak hian ka hre thian a...a chang hian min duh leh bawk silo a!"

"Kalsan rawh..i theih lai hian..."

"Ni e..."

"A chhan chu nakin ah i rilru i pe tak tak ang nga...i pe tawh mek bawk a....a la kalsan daih ang che.."

"Ni e...Amah pawh hi a lak lawh ve  ani..."

"Engtizawngin maw?"

"A hmaa keimah ang tho khan...tu emaw a rilru tina tu hi a nei a..chu a la theihnghilh chiah silo a...chu vang chuan ka laka rilru pe full tur pawh hian ala inpeih lo  ani.."

"A ni mai thei...mahse a rilru inpeih hunah tak tak chuan mi dang a thlang daih ang!"

"A dik khawp mia...keipawh chuti ang chuan mi rilru ka tihnatsak ve tawh tho!"

"He kan la inpeih loh lai taka kan nuna lo lang thin te hi an khawngaithlak thin"

"Dik chiah...an thiamloh leh kan duhloh vang pawh a ni biklo..an rilru tak tak min pe a..mahse keini kan lo la lalawh si a...kan be ve tho a...be hlen thei leh tak tak silo in...rilru na takin kan siam thin!"

"Chu....i hriat em chu...chu chu i chantur nih kha..."

"Engpawhnise...Arsenal leh Chelsea kha inkhel kha ve en ila..."

Inkhel en tur chuan Common room lamah an inzui phei ta hnak hnak a..

(End of XX)

Khawi i thlalak!

Tukin Zing 6:46AM

WhatsApp a inbiakna

"Mali...i tho tawh em?"

"Aih..."

"Keipawh ka la mu a..."

"Ve ngei a..."

"Exzam zawh nia...ka tho hma peih tawhlo a..."

"Nuam i va ti awm ve...hahhha"

"Hahha...i dam tha zel em?"

"Dam tha zel a ni mai e Pathian xarag..."

"Hei...FB Story Group lamin Story post hi thlalak nen an phut deuh a...engtin nge ni dawn?"

"Ka hre nang...."

"I photo lo sent mai teh...Blog ah pawh kan hmang laklawh tawh bawk sia..."

"Ngailo.....ka zak"

"Aw...photo ringawt kha nangmah i nia...a story te chu a lem vek tho a lawm"

"Ka zak tak tak tak a nia....ka ngamlo...."

"Aw....model i ni tihna ni mai....I Dp hi hmang mai ang aw?"

'I chimawm e..."

"Chimawm e...ka download ania....hei ka ziak zo tep tawh aw..."

"Um..."

"Photo dang hman mai tur ka hre tawhlo...ti hian ka duh duh ka hmang mai"

"Um...i tih dan dan....i chimawm si a....hnial dan tur che ka hrelo..."

"Hei min hnial teuh tawh hi...kan inhnialna ringawt pawh hian Chapter khat chu a awh zel a nia..."

"Nangmah lawm....min lo hnial lui tnag tang zel a..."

"Nangmah zawk fe........inhnial tum paw'n ka text lo che.....mahse inhnial tur hian i lo inring ziah zel a lawm..."

"hm...awihawmloh...min lo hnial nghal zel..."

"Mass Com. zirlo hian LLB zir zawk la a tha  ang....mi hnial i peih em mai!

"Nangmah fe...nangpawh BD zirlo in LLB chu zirla....i hnialhrat in i tawngthei ropui si!" (Zawngte hmaihup 4 leh Nuilai lem 2)

"Ni e...zir dun ila...kan thawk dun ang a....kan hlawk viau ang chu..."

"Ka thawhpui peihlo che...i chimawm em mai!"

"Ka thawhpui chak bik teuhlo che...inkhin dun ka chak zawk!"

"Min khing hnehlo ang!"

"Hneh e a...ka hlaulo hrim hrim che..."

"Ka hlau bik awkawnglo che" (Hmaisen 7)

"A...duhtawk ang...khawi photo' chu..."

"I download tawh ni lawm ni?"

"Um...I Dp hi aw...hei ka hmang nghal dawn aw..."

"I chimawm siah!"

"Thian Model i ni mai...i model tan vawikhatna ni ang chu tiraw?"

"Hm...i model nih ka duhlo!"

"Duhlo mahla i ni tawh tho tho.."

"Hm...."(Hmaisen 3)

"Hmmmm........lo!"

" A tawk!"

"Tawklo!"

"Bleh!"

"Chaw eitui lo!"

"Nangpawh buhhum leh lungte seh teuh rawh!"

"I chaw ah hmarcha thak hle rawh se!"

"Thak bawk lo ang!"

"Thak bawk ang!"

Duhtawk mai teh ang u!.....................................

(End of XXI)