KAN INNGAIZAWNG EM?

CHAPTER XV

Hmalam kan pan zêl thei ang ngem?

November 18, Inrinni
4:21PM

Mali leh Rinawma chu Ramhlun Indoor Stadium bula thutna ah chuan an țhu dun a. Rinawma chu Hostel lut turin a haw chho țep tawh a.

"Mal, i chau em?"

"Chau over lo...mahse zanah ka mutui ngawt ang!"

"Ni e ...kan kal nasa em a..."

"A ho khawp mai..."

An ngawi vang vang a....motor lo insulpel zut zut chu an thlir a..

"Mal.."

"Um....."

"Kan inkar hi..."

"Engtin?"

"Hmalam kan pan zêl thei ang ngem?"

"Hei bak hi eng nge awm chuang?"

"Kan inkar hi eng nge ni chiah?"

"Țhian....nimai lo mi?"

"Chu ai chuan a thûk thei em?"

"Engtin?"

"I hai der nge i hrelo der?"

"Eng chu?....."

"Ka ngaizawng che tih i hrelo mi?"

"Hm....min ngaizawng a mi?"

"Hm.....i ã nihloh chuan ka ngaizawng che tih chu i hre ve tur a ni lawm..."

"Ka a lawm kei chu....hahaa!"

"Ka ngaihzawn tawh ah chuan i sualin i chimawm ber!"

Mali chu nui a...engtinmah a chhang let hran lo a.

"Mal...kan inkar hi eng nge?"

"Engti zawngin?"

"Kan pahnih chauh hian kan awm thei ngem?"

"Ka hre lo..."

"Kei chu engmah ka nilo....heti mai hi ka ni a...ka duh tak tak che tih i hriatthiam ngei ka ring a.."

"Chuan...???"

"I lo kal thei ngem?"

"Khawiah?"

"Ka bulah...."

"Aih..."

"Min duh ve tak tak lo ni tiraw?"

"Ka tling ve lo ang....kei aia țha an tam ang.  Bakah țhian kan ni lawm...."

"Aw le.....nih...ka nghak thei che ngem?..."

"I rilru tina tu mai mai ka ni ang. Mi țha tak nei rawh..."

"Aw le...ka haw miahlo che nia....ka rilru tina hle mah la..."

"Ka sual tih chu ka inhria..."

"Ka laka i sualna aiin ka chunga i țhat tawhna zawk kha ka rilru a cham reng turin ka duh..."

"Mahse chu chu a theih loh ang..."

"Ka rilru i tihnatna aiin ka laka i țhatna zawng zawngte hi ka rilru ah a cham reng zawk ang!"

"Hahaa...dawt sawi suh...a theihloh!"

"Mi in ka rilru an tina fo tawh a....mahse an chanchin ka dam chhunga ka rilru a cham tura ka duh dan chu ka chunga an țhatna zawk kha ni..."

"Kei chu chuti ang chuan ka cham ve lo ang!"

"Ka tiam che....ka tan chuan ka hriattirh a Mali Diana kha i ni reng ang....engmi pawh lo ni ila - ka chanchin i sawi leh i ngaihtuah apiangin -min duh ve thei lutuk- tiin i lo sawi țhin dawn nia"

City bus lo ding ah chuan Bawngkawn lam panin Rinawma chu a chuang ta a.

(End of XV)