KAN INNGAIZAWNG EM?

CHAPTER XIII

University Miss

Mali pawh Pathian zarah a dam țha ve zel a. Class pawh pangngai takin a kal chhunzawm ve leh tawh a. Mass Communication department, 1st Year batch ah Assistant CR a nih avangin a zirna piahlam ah a buai ve thei em em a. Rinawma nen pawh an inbe hman meuh lo.

Kumtin a an tih dan angin University chuan 1st Zirlaite ațang chuan 'Miss' an thlang leh dawn a. Department tin ațang chuan mi 2 zel an vawrh chhuak a. Mali pawh chu an department aiawh chuan an vawrh chhuak ve a. A classmate Zomuani nen chuan an vawrh chhuak ve a ni. Hreh ang reng tak chung chuan hming chu an pe lut ve ta nge nge a.

Department tin ațang chuan a tel duh ho chuan hming an thehlut a. Designer/Mentor an thlansak a. Round 4/5 vel an siam a. Question, introduction, traditional leh anmahni design phochhuahna te an nei a. 

Chuti ang a an tih vek hnu chuan contest a tak chu nikhatah an lehlan thung a. Mali chu vanneih thlâk takin Miss atan thlan a ni ta hlauh mai!

A lâwm êm êm a, Rinawma pawh a han hrilh ve a. 

8:12PM

"Hei....vanneihthlak lutukin Miss ah min thlang a nia!"

"Eu.....Miss chu kan be ngam tawh dawn lo nih chu a!"

"I chimawm em mai!"

"Celeb' țhian ka nei ta! A va nuam êm!"

"I chimawm! Ka sawi peih tawh lo. Ka zak!"

"Engtia lawm nge i duh? Min lo be khât ropui si!"

"Ka hmanlo ve êm a lawm....kan Sport chau nên.....training nen...."

"Min theihnghilh ta emaw ka lo tia"

"Over suh!"

"Over nang...nang aiin ka sâng lo leh nghal aw..."

"I va han chimawm tak! I țawngthei si!" (Zawngte hmaihup 1)

"Țawngtheilo ila min be thei dawn em ni?"

"Chimawm......chima!"

"Engtik nge Miss thla ka lakpui theih ang? Eng Miss mah hi thla ka la lakpui lo a"

"Awi....over thei e!!!!!"

An inhnial leh ta ngat ngat a. Pakhat chimawm, pakhat lah hnial hrat lutuk!

(Malsawmtluangi chu hnial hrat lutuk ka tih avang hian thinrim sên țûn in WhatsApp ah min lo hau leh ang chu...mahse ka ngaipawimawh lo! Lo thinrim ve mai mai rawh se!)

Hetih hun lai hi November thla chanve a ni tawh.  Boruak a vawt țan tawh a. Rinawma te College phei chu boruak a vawh hmat avangin lukhum lum, kawrlum leh mawza lum te nen an in țam ut tawh a. Krismas hla phei chu an sa nasa tawh mai.

Mali pawh December a exzam tur a nih avangin lehkha a zir ngawrh țan a. A online khat in Rinawma nen pawh an inbe tam lutuk lo a. An inbiak chhun erawh inhnialna hlir a ni!

An inbiakna ringawt en chuan inhnialna bu emaw tih mai tur a ni. Chuti chung chuan an la inbe ve țang țang tho.

November 7, 10:32AM

"University a vawt ve tawh em?"

"Vawt over lo...ni tlak lam a nia"

"Helam chu zanah chuan a hit riau tawh"

"Keini chu la vawt over lo"

"Vawt over silo 'tinge kawrlum i hak fo si?"

"Aw...ka ha ve bawk ang chu....pawi mi?"

"Pawilo e....i pan ve êm a!" (Zawngte hmai hup 4)

"Hm....ka thau hunah i chaklo ang aw" (Hmaisen vek 6)

"Engtin?"

"Hre lo!"

"I hriatloh chuan hlauhawm loh tawp chu"

"Hm..."

"Hmm lo!"

A tuk lamah a rem chuan inhmu turin an in mangțha ta hrih a.

(End of Chapter XIII)