Skip to main content

KAN INNGAIZAWNG EM?

CHAPTER XI

Thihna hnehtu Lal Isua

October 1, 12:00AM

Rinawma ruang an buaipui lai chuan Mali chu a nu leh pa te nen Rinawma ruang bulah chuan an lo kal a. Rinawma hian Mali lo kal hi a hmu hmanlo a nih kha.

Nula pangngai tak a nih avangin 'over' taka va țah chu a tum miahlo. Rinawma kut lo uia thla chu dimte hian a khawih a. Rinawma nu leh pa te pawh chuan ngawi rengin an lo thlir ringawt a.

Mali: Rinawm.....mi chimawmpa....i kal theilo nia...inkawm hrih ka la duh....

Rinawma kut pilh nen nuan te chu dimte in a chul sak a. A hum sak vawng vawng a...

Mali: Ahh....Rinawma kut a che!!!

Mi zawng zawng chuan Rinawma ruang chu an en rual nghal țhawt a. Mali sawi ang tak chuan Rinawma chuan Mali kut chu a lo vuan let tlat mai!

Mak tiin an chi ai nasa em em a. Doctor leh Nurse te chuan rang takin Rinawma chu enfiah in an buaipui zui nghal a. A marphu a la awm tlat!

Chu lai hmuna 'miracle' chu Social Media - WhatsApp, Facebook etc zawng zawng luahin Mizoram a thang chhuak nghal a. Mi chuan Pathian ropui zia chu an fak a. Lawmthu sawiin an țawngțai mawlh mawlh a. 

Rinawma Scooty a phurtu Zokunga chu a lawm ber zinga mi a ni awm e. Țap chungin Pathian hnenah lawm thu sawiin a țawngțai mawlh mawlh mai.
ICU lamah nawr lutin Doctor leh Nurse te chuan Rinawma chu an buaipui zui nghal mawlh mawlh a. Chu lai mi te chuan a dam chhuah ngei an ring nghet bur tawh.

Rinawma classmate, zirtirtu leh College chuan Chapel ah Pathian faka lawmthu sawiin zing lam dar 5 thleng țawngțaiin hun an hmang a. Thihna hnehtu Lal Isua chu fakin an chawimawi a.

Mali pawh damkawr a la nih avangin Rinawma chu han kan fo hmanlo mahse Rinawma Nu nen chuan an inbe pawp reng a. Damdawi in a an awm man leh senso țul zawng zawng chu Mali te chhungkua, Rinawma College te leh Pathian mi te'n an tum sak ta vek a.

Rinawma thih - thawhlehna chuan Pathian a chawimawi tak zet a ni.

October 29, 7:24PM

Rinawma chu an College Chapel zan inkhawm ah Testimony ropui tak mai a sawi a. Hemi zan hian onkhawm an țhahnem em em a. Mali te pawh an chhungkua in an inkhawm ve. Aizawl ațang pawhin mi  țhahnem tak an inkhawm bawk.

Rinawma: Zanina Pathian ropuizia hre tura lo inkhawm zawng zawngte chungah Pathian hmingin lawmthu ka sawi e. 

Pathian in kei teh lul a ropui zia puangchhuak tura min thlang duh hi ka va lawm em! (a  hnuk a ulh a....)

Thihna kut vawtin min man lai khan Lal Isua chuan a rawngbawl tura min thlan ve thu min hrilh a. A hmangaihna leh khawmgaihna kut a min chelhin, ringlo mi tamtak hnena Chanchin Țha hrilh tur tam zia min hmuh tir a. 

Chutih lai chuan kan zirtirtu te, kan College te leh min hmangaihtute țawngtaina chu Lal Isua'n a lo ngaithla reng bawk a. 

Lal Isua chuan ka theihtawp chhuaha A ram chanchin chu puang chhuak turin min ti a. Thihna hneha tho leh a nih zia te, khawvel chhandam tura a nunna hlu tak a pek thu te chu chiang taka puang chhuak turin in hnena ka la awm ve hi min phal sak a ni.

Lawm vanga a țah nasat avangin a sawi zawm thei tawh lo a. Mi zawng zawng chuan Pathian ropui zia chu an fak a.

(End of Chapter XI)

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va...
Post a Comment
Read more

A saw raltiang tlangah, kraws hlun tak chu a ding

Lal Isua kan tana Kraws a a thihna hlut zia leh ropuizia puanchhuahna hla ropui ber pawl chu Rev. George Bennard phuah ‘A saw raltiang tlangah, kraws hlun tak chu a ding’ (The Old Rugged Cross) hi a ni ngei ang. He hla hi Kristian Hla Bu kan hman mek ah hian No. 203 ah a awm a, Lalmama (L) min lehlinsak niin, amah hi Mizo hla phuah thiam kan neih zinga a mi a ni a, he hla a lehlin pawhin hi a mawiin a nalh hle anih hi.   He hla phuahtu Rev. George Bennard (1873-1958) hi Youngstown, Ohio ah a piang a, naupangte anih aliin a pa hian a boral san a. Lungalhthei khura hnathawka eizawng chhungkua an ni thin. Kum 1912 ah he hla ropui tak mai hi a phuah a, Pathian thu changlar ber Johana 3:16 thu a chhiar tangin he hla hi a phuah niin an sawi. Rom sorkar in Lal Isua an khenbeh dan tur te, Lal Isua thisen lo chhuak tur te chu a ngaihtuah a. Tichuan Choka ah a rilru awm hla thu chu a ziak mawlh mawlh a, chumi hnu ah chuan Charles H. Gabriel, Chicago mi chu a hla ziak chu thawn a. K...
9 comments
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi ...
7 comments
Read more