KAN INNGAIZAWNG EM?

CHAPTER - VIII

Exzam

Mali ICU a an dahluh hnu chuan darkar khat aia rei mah Rinawma chu Damdawi In ah chuan a awm a. Dotor te'n Mali natna 'result' an sawi thleng chu a awm a. Mali chu Typhiod a lo ni a. A chauh thut chhan chu thisen a neihloh vang a lo ni. Doctor te chuan thisen pek a ngaihthu an hrilh a. Mali Blood Group chu O+ve a ni a. Rinawma thisen pawh O+ve a nih a vang chuan Thisen chu pek nghal a duh a. Doctor te hnenah chuan a thisen chu la turin a hrilh a.

Rinawma te exzam chu a hnai tawhin thinsen pekna hun a tan chuan hun tha ber a nilo tih hre mahse Mali tan chuan engmah a ui theilo. Nurse te chuan Rinawma thisen chu an la, tin Mali classmate te zinga tang pawh chuan mi pahihin thisen an pe ve bawk a. Mali nu leh pa te chu an lawm em em a ni.

September thla pum chu Rinawma te chuan exzam na'n hun an hmang a. A khat tawkin Mali nu hnenah chuan Mali chanchin chu a zawt deuh reng a. Mali pawh chu nitin in a lo chak chho ve telh telh a. Kar 3 zen zawn Damdawi in a an awm hnu chuan in lama in enkawl turin an haw ta a.

Hetih chhung zawng hian Rinawma chuan rilru chawl lovin zirlai leh Mali chu a ngaihtuah reng a. Inrinni vawikhat phei chu a va tlawh nghe nghe a. Chumi tum pawh chuan Mali chu a lo harh tha viau a. Darkar chanve zet an inkawm a, chumi hnu chuan Rinawma chu Hostel lam panin a haw ta a. 

Chuti ang chuan September thla pumpui chu Rinawma leh Mali chuan an hmang zo a. Mali chu zan a mut hmat thin avangin Rinawma nen chuan an inbe tam em em lo a. An inbiak chhunah erawh an inhau nasa thei hle!

September 27, 8:04 PM

Rinawma: Chawlhni ah i inkhawm thei tawh ang ngem?

Mali: Ka hrelo le...ka lu hai hi a la awm reng a...ka luak chhuak hi a la rehlo deuh nen....

Rinawma: I zirlai pawhin a tuar phah viau ang tiraw? Keini pawh naktukah kan in exzam zo tawh dawn a sin.

Mali: Tawrh phah ve deuh ang...internal mark ka khawl chhe bik dawn a nih hi...exzam zawh chu nuam viau tawh ang chu...(Nui lai lem)

Rinawma: Haha....nuam chu nive mai ang chu. Pathian zarah i dam tha zel ang nga...tha takin i zir leh ang chu tiraw?

Mali: Tehreng mai...min lo tawngtaipui em? Min tawngchhiat anga damlo ka nih kha aw....(Thinrim hmaisen lem 3)

Rinawma: Tawngtaipui reng e.....kalsuh ka tia...i luh lul em nih kha (Zawngte hmaihup 1)

Mali: Ka ngei hman zia che hi...min tawngchhiat hneh si...

Rinawma: Inrinni ah ka lo kan ang che aw? Hei exzam kan zo tawh dawn bawk sia.

Mali: Aw le...hei drip kan la khai zauh zauh a...ka chaw ei a tui tan a...naktuk atang chuan khai angai tawh lo ang an tia.

Rinawma: I theitawpin lo in uluk la...kan in tawngtaipui zel ang a..i dam vat mai ang.

Mali: Um le....

Rinawma: Inrinna ah dam chuan kan inhmu dawn nia aw...ka duat viau ang che...

Mali: Hahha...aw le....

Rinawma chuan exzam chu theihtawp chhuahin a bei  ve a. Mahse a zirpui te aia English hi a thiamloh avang hian theihtawp chhuah ve mahse a ti tha ngailo. Mizo tawng a thiam viau a, chu zawng chu ni mai!

Zirtawp zan September ni 8, 9:04PM

Rinawma: Naktuk chu ka lo kal dawn aw? Insuk tur ka ngah tawh lutuk a...mahse in Machine a chhe sia...hei ka insu zo chiah a...

Mali: I insu lawk a mi? Hah em?

Rinawma: Hah lo e...kan ti thang tawh a..insuk chu ka sam phian (Nulai lem 3)

Mali: Nupuih neih vat a ngai tawh ni kha...(Zawngte hmaihup 1)

Rinawma: Haha....kum 2020 hma chu - dam chuan kan nei hman lo....

Mali: Tlangval rei dawn ve...senior ruih dawn nih kha..(Mittui tla nui per lem 3)

Rinawma: Hahha...naktuk chu aw?

Mali: Aw le....dar engzah ah nge i lo kal ang?

Rinawma: Insuk te hi ka pho chhuak phawt ang a...chaw eikham ah aw....dar 10 pelh ah...

Mali: Aw le...i tih dan dan le...

CHAPTER - IX

Inhmuhtawpna ber

Inrinni zing chu nichhuak a tha kher mai. Rinawma te floor leh room chu zing nichhuak chuan a lo chhun eng phut a. Rinawma mut chu la chhuak hle mah se a thawmhnaw suk te pho chhuah a ngaih vang chuan rang takin a va tho a. A thawmhnaw suk mai bakah Blanket, Coat, Kamis leh pheikhawk te chu a pho chhuak zung zung a. Heti anga inphochhuah fo loh chuan thawmhnaw a hmuar duh em em zel a ni.

Zing dar 6:00AM a ni a. Mali chu a la tho lo nge a la online lo. A last seen chu 9:47PM a la ni. 

Rinawma chu a inbual a. Mali a hmuh dawn avangin a thamhnaw fai neih te chu nisa ah a pho chhuak kha a ni a. T shirt uk lam, an venga a u in a pek chu a ha a. Smart pant a hak a tum zet  na in leh Velvet kekawr dum, Lungleia a pu Zama te lei sak chu a ha a. Tin, a pu Zama te'n an leisak bawk Pheikhawk pawl chu a bun bawk a.

7:10AM 

BSNL  Internet signal chu a thalo hle a. Phone a'n check chuan dar 6:47AM a Mali message chu a lo awm a. 

Mali: Morning....

Rinawma: Signal a chhe lutuk a...min lo phone teh aw i hman hunah...

Mali chuan  chuan a lo phone a. A lo chhuk dan tur te leh eng eng emaw an sawi dun a. Chumi hnu chuan chaw eitur in Rinawma chuan Dining Hall a pan ta a.

Dar 9:12AM ah chuan Rinawma chu Mali te in a kal tur chuan a inpeih tawh a. Hetih lai hian pawisa a neih loh em avangin a 'roommate' pawisa cheng 100/- chu a puk sak a. A hma in Mess Table a thawh tur cheng 100/- a puk sak tawh bawk. A roommate hi a felin a puitling em em a, engmah sawisel a nei ngai lo a. Rinawma khawsak phng chu a dawh ve hmiah hmiah mai zel a, a zahawm hle.

Rinawma chuan a nau Bawngkawn a Missionary training a awm mek hnenah chuan cheng 300/- a dil a. Tichuan Bawngkawn ATM ah a nau nen inhmu in a nau chuan cheng 500/- a pe a. Dar ah 10:16AM ah chuan Bus ah chuangin Mali te in panin a phei ta a.

Ramhlun Indoor stadium bula K & N dawr ah chuan Rinawma chuan Frooty 2 leh Milkibar 1 a lei a - Mali tan. Mali te in kawngka chu a lo inhawng sa a. Mali nu chuan inchhung a lo ti fel a. Mikhual room lam a lo ti fai mek nghe nghe.

Kawngka in hawngsa chu a'n kik kauh kauh a. Mali nu chuan a hre mai lo. Rinawma chuan a'n kik nawn leh a...

Mali Nu: Lo lut rawh...e...nangmah i ni maw? Kawngka inkik ri kha ka hre deuh reng a...

Rinawma: Aw...ni e...

Rinawma chu ngawi reng chuan a lut a, sitting room a thutna ah chuan a va thu a.

Mali Nu: Lo thu rawh..Mali chu ka'n ko ang nge... Mali....Sawmpui... (Pindanah chuan a lut a)...Rinawma lo kal a nia...

Mali chu track rawng var lam hi a suit a ha in a lo chhuak a....a hmel a dawl dangin Mali chu a zawi nen nen hle!

Rinawma: Chaw i ei maw?

Mali: Aw ei e...tlemin i inthiamlo ve deuh em?

Rinawma: Engvangin maw?

Mali: Min tawngchhiat vanga damlo ka nih kha aw...

Rinawma: Haha....thla a ral tawh...theihnghilh rawh...

Mali: Hmmm...i chimawm si...

Rinawma chuan a thutna ngenchhan 'cushion' chuan Mali chu a'n vawm a..

Rinawma: I luhlul em a nih kha...kal suh ka i mawlh mawlh a...hei damdawi ka lo keng a ni.

Mali: Eng damdawi maw?

Rinawma: Hei hi eila i dam vek mai ang. Mahse pakhat hi chu ka ta..(tih pah chuan a frooty lei 1 zawk chu a la chhuak a. Frooty 1 leh Milkibar chu Mali thutnah chuan a'n vawm phei a)

Mali: Lo ken kher a ngai lo sin....ka lawm e.

Rinawma: Engtik nge class i kal peih ang?

Mali: Monday vel atang chuan ka kal peih ve tawh ang...ka tuilo zo vek tawh.

Rinawma: A ni duh khawp ang. Engtik nge in exzam hun?

Mali: December thla ah. Nang i ti tha em?

Rinawma: Tha vaklo....pass ve mahna...

Mali: Engtik nge class in tan leh ang?

Rinawma: Presbytery zawh ah hian a ni ang. Exzam zawh leh Presbytery inkar hi kan chawl ve a...lo len thlak a theih reng ang...i phal chuan...

Rinawma chu Mali bulah a va thu hnai a. Mali nu chuan inkawt vel a ti fai a.

Rinawma: I dam tha zel tawh tiraw? (Mali chal chu a'n dek vel a)

Mali: Um...tunah chuan ka chaw ei pawh a tui ve tawh lutuk...ka luak hi a chhuak leh zauh thin a.

Rinawma: Taka...i phone 'net a chak em? Arsenal inkhel ka en lawk duh a...goal an 'score' na....

Mali: Kha en la.....

Mali chuan Rinawma chu Phone a pe a. Rinawma chuan Europa League-a Arsenal leh FC Koln inkhelh tuma an pet goal dan vel chu hmuhnawm ti takin You Tube ah chuan a en dauh dauh a. Chutih chhung chuan Mali chu chair ah chuan a lo muhil ti tih a.

Rinawma: Mal...tho rawh...i la tha zan lo nih kha....ka haw chho mai ang...va mu leh daih rawh...

Mali: Thingpui in phawt rawh aw...

Rinawma: I lum peih dawn mi? A ngai kher lo a sin..

Mali: Peih e...Nu...thingpui i duh ve dawn em?

Mali Nu: Duh hrihlo e...in 2 khan in rawh u....

Dar 11:49AM.

Chhun thingpui in chu a hun ve tawh reng mai. Mali chuan thingpui chu no 2 in a siam a. Bakery chhang bial 6, a laia  cherry sen awm chu a lo chhawp tel bawk a. Thingpui chu an in dun a. Rinawma'n chhang pakhat a ei zawh chuan Mali chuan pakhat chu Rinawma a lo pe leh vat a. Rinawma chuan ei a tum tawhlo zet naa, Mali lo laksak a nih avang chuan a'n ei leh a.

LPS ah 'Comedian Search' an en a, an nui dun uar uar a. Chuti ang chuan hun chu an hmang dun a. 

Rinawma chuan Mali nu mitmei veng ru deuh chungin Mali bulah chuan a thu ve deuh reng a. Rei tak an inhmuh tawh loh vang te pawh a ni ang nge...a va kuah a...an inngheng a..

Dar 12:30PM

Rinawma: A nih...ka han chho phawt ang nge aw....lo in uluk hle la...lo dam mawlh ang che..

Mali: Tehreng mai...kan kawt chauh thleng saw ka thlah mai ang che aw? 

Rinawma: Tehreng mai...i chauh em kha....he lai thleng hi a tawk...a nih aw.....

Mali: Aw le...tluang deuhin chho la.....

Rinawma chu step zawh chho zelin kawngpui ah a chhuak a. Indoor Staduim bul atang chuan Bus a nghak a, Hostel lam pan chuan a haw ta a.

CHAPTER - X

Ka hmangaih reng ang che

Bawngkawn ah Rinawma chuan Taxi contri' pui tur a melh a. Chutih lai tak chuan an thianpa First Year zirlai chu Scooty nen a lo tlan a, Rinawma chu chuang ve turin a lo ko hlauh mai a. Rinawma pawh chu lawm takin a thianpa Scooty ah chuan a chuang ta a.

Bawngkawn - Durtlang kawng chho, Halflong an tih fiam mai zawn an tlan lai chuan Taxi 2 leh 407 leh Rinawma te thian chu kawngchhaka lung lo tla thut mai chuan a deng palh ta hlauh mai!

Taxi 2 chu an taxi chung a sawi ve ve a....passenger te an te chul a, hliam erawh an  awm lo. Mahse an taxi hma vel erawh a sawi ve hle a, a rawng a khawk nuaih bawk! 407 erawh chu a ruaka tlan a ni bawk a, a hnungah chuan lung te leh lian ve deuh thahnem fe a tling khawm ruih a, a ri rum rum nghe nghe!

Rinawma te thian duh pawh chu lung kehthem chuan an scooty chu a vawm a, an tlu nghe nghe a. Scooty khalhtu chuan Helmet a khum avangin a kiu leh a khup ah bak hliam a nei lo.

Rinawma erawh chuan helmet a khum ve loh a vangin a tukkhum chu lung lian vaklo in a vawm a, a lu chu pawpin an tlukna lamah a sawh bawk nen, nikhaw hrelo in a awm a. 

Chulai vela mi te leh Motor vei vak te chu lo pungkhawm nghal thuai in harsatna tawk te chu an pui a. Midang chu an zia hlawm a, Rinawma te thian dun chu an buaipui ta ber a. A bikin Rinawma, a lu a thisen chhuak zawih zawih chu rang takin Hospital lamah an tlan chhoh pui a. 

Durtlang Hospital ah chuan Nurse leh Doctor te chuan Theihtawp chhuah in Rinawma leh a thianpa chu an buaipui nghal a. Rinawma thianpa chu First Aid an pek hnu ah a zia chho ta mai a. Rinawma erawh chu puan vara a lu vet luk chung leh Oxyen vuah bur chungin ICU ah hmanhmawh takin an nawr lut a.

Darkar thum a ral chuan Hospital kawt ah chuan Rinawma classmate, College kalpui te leh zirtirtu thenkhat te chuan Rinawma chanchin ngaihven in Hospital kawt ah an awm a. Rinawma nu leh pa pawh Taxi hmangin Lunglei atangin Aizawl an lo pan mek bawk. Hetih hun lai hi tlai dar 3 vel a ni.

Hetih lai hian Mali chu a muhil a, Rinawma chanchin engmah a hre ve lo ang.

Rinawma chuan engmah a la hre lo chhunzawm zel a. ICU ah chuan a la mu reng a. A classmate, an College leh zirtirtu te chuan thil thalo ber a thlenlohna turin an tawngtai a. Rinawma chanchin hria apiang chu chuti ang chuan an tawngtai bawk. 

Mali khan a hre ve tawh ang ngem? Rinawma phone lah chu an tlukna ah khan a keh chhe vek bawk si a.

Zan dar 11:48 PM ah chuan Rinawma nu leh pa chu Hospital ah a lo thleng a. Rinawma nu chu a mittui a tla nasa hle a, Rinawma pa erawh chu rilru na tak in a in sehruh teuh thung.

Rinawma lo tawngvaih thu Nurse te chuan an sawi a. ICU atang chuan la chhuak in Oxgen pawh chu an vuah tawh lo a, a lu erawh a la intuam luk a. A khum bulah chuan Rinawma nu leh pa chu an ding a, Rinawma nu chuan Rinawma kut chu a vawn sak. 

Chutih lai tak chuan Rnawma mit chuan khua a hmu tawh lo a, mahse amah hmangaih em em tu a nu kut erawh a hre chiang hle.

Rinawma: Nu....in lo thleng maw? (..chu thu sawiin Rinawma nu chuan a hria) 

Rinawma Nu: Bawihpui, kan lo thlenna a rei tawh lawm...hei i tha vek tawh a nia. 

Rinawma chuan a nu kut chu a hmer vawng vawng a...tawng tur a awm tawh mang lo a...a pa chu a mangang ru hle a...

Rinawma : Ka hmangaih che ka nu...ka pa...

Rinawma Nu : Bawihpui, keini pawhin kan hmangaih lutuk che...i thiante pawh pawn ah an awm a....an nghak vek che nia class i kal leh hun tur....

Rinawma thaw chu a zawi tial tial a. A lo harh leh deuh a...a  phun sep sep a...

Rinawma Nu: Bawihpui eng nge i sawi? I phone a keh vek a, i thiante kan be theilo...Mali i ti em ni? 

A beng chu Rinawma hmui phun sep sep bul ah chuan a zuk dah a. Hei hi a hriat chhun chu ni-

Rinawma: Ka hmangaih reng ang che.....

Rinawma chu he khawvel ata a kal ta...a nu leh pa, a thiante leh an zirtirtu te chu an va tap nasa em!!

Mali chu a rilru na ve ang ngem? Ka hrelo le....mahse hei hi ka hria-

Mali chu midang ta a ni.

The End......