KAN INNGAIZAWNG EM?

CHAPTER - II

Tute nge an nih?

Mali Diana Profile

Mali Diana hi a laiah hming chu Malsawmtluangi a ni a. ‘Diana’ tih hi chu ‘Rom mite eng pathiannu’ tihna a ni a, a inphuah belh ve mai mai a ni ang.

Nula ngo lutuk lo, Feet 5 leh inchi 3 vela sang a ni a. An unau hi 3 niin amah hi a lai a ni a, hmeichhia vek an ni. A chhang chiah hi Vairampur ah hnathawk in a awm a, a u erawh chuan pasal anei tawh a. A ‘birth day’ chu February ni 20 a ni. BA a kal lai chuan Government Aizawl College ah English subject a ‘core’ thin a. Tun ah hian Mizoram University ah Mass Communication a zir mek.

A nu leh pa te nen Ramhlun Venglai ah an cheng a, a nu chu Naupang Sunday Sikul zirtirtu a ni a, a pa erawh chuan dawr a nghak thin. A pi leh pute in an luah a, chhungkaw inlungrual leh zahawm tak an ni. Mali hi a nula fel tak a ni a, Facebook leh Instagram vela a thlalak te hi a zahawm in mipa tan pawh a zuamawm tak thlalak a nei lo. A takah pawh chuti ang bawka nula zahawm leh fel, nu hnap mai leh inkhawm ngaipawimawh em em a ni.

Scooty a khalh thiam bawk. Ze zawi fe e tilo in a harh ru phian a, fiamthu a duhin a chimawm thiam hle!

Rinawma Profile

He pa hi chu a chanchin sawi vak tur a awm lo - a hangin a harh em em a, a tawng duh  hle bawk! An unau ah a upa ber a, unau 4 niin a upa ber a. Farnu pahnih neiin an tlum ber ah mipa a awm. A laiah hming chu Lalrinawma a ni.

Chhungkaw ropui lo leh rethei ve tak atanga lo seilian niin Pathian khawngaihna in tunah hian Pathian thu zirin Aizawl ah a awm mek a, Pathian hian a khawngaih em avangin tun dinhmun hi a thleng thei a ni. Amah ah chhuan tlak engmah a awmlo a, pa te takte – feet 5 leh inches 3 vel lek a ni!

Mizoram chhim lam Zopui khua atanga lo kal a ni a, Presbyterian Kohhran a ni. Music a thiamlo a, motor engchi mah a khalh thiamlo a, cycle erawh a khalh ve thiam sawlh sawlh.

Chuti ang vel chu an ni – he thawnthu a a changtute chu. Thawnthu ropui leh ngaihnawm a ni hran lo a, i lo chhiar ve zel dawn nia – i peih chuan.  He thawnthu hi ‘live’ a nih avangin a tawp dan tur hi a la hriat loh a, an changtute hi engtin zel nge an awm ang tih chu chunglama mi kut ah a awm.

CHAPTER - III

WhatsApp a an inbiakna thenkhat te

August 14, 8:21PM

Rinawma : (Sabereka Khuangkaih chanchinbu thlalak a va thawn a) 

Mali: Chhiar ve a va chakawm ve.

Rinawma : MZU library khan an 'subscribe' ve lo mi?

Mali: Min pe ve lo ni ang. Kan department atangin Library hla lutuk a, ka kal ngai lo ( Zawngte hmaihup)

Rinawma: I mak ve deuhna chu min reply ve zel hi duh a, i fel reuh...a chang hian i hmeltha ve tep...mahse a chang hian i sin leh deuh a!

Mali: Hahahhaa....a va lawmawm leh teuh ve aw.. (Nui lai lem)

Rinawma: A chang hian i sin leh tlat zel a.

Mali: Ka sin lutuk...tun lai hian a zual..ka hah ve deuh a.

Rinawma: Tarmit khi a lian mah mah....i hmeltha lo zawk.

Mali: Te deuh chu pitar a lawm....cher bawk nen...hmelthat loh nen.

Rinawma: Mahse i that deuhna chu i dress a zahawm.

Mali: Naa...eng nge awmzia?

Rinawma: I inchei sexy ngailo a, i zahawm.

Mali: Nia, ka duh vaklo a...a bikin Social Media ah phei chuan...nula te kan la ni ve bawk sia. (Mittui tla nui per chuai chuai)

Rinawma: Thil 1 ka hriatruk ka hrilh ang che aw?

Mali: Aw...

Rinawma:   Hmeichhia hian min be ve zauh zauh a - an harasatna ah. Fcebook, Instagram vela dress sexy ve tep chu an lo 'virgin' lo deuh zel.

Mali:  Nia tiraw... a thalo e... a zahawm lo tlat a lawm. 'Bakah mipa tan hian an zuamawm duh dawn bik lutuk a...

Rinawma: Tah hian i hmeltha. (Mali thlalak 1, Facebook a ni chu a sent a)

Mali: Nia...ka thau vanglai tak.

Rinawma: I duhawmin i fresh vang reuh a.

Mali: Van lawm awm.

Rinawma: Bialpa i nei em? 

(Rinawma hi a lerh hret hret reuh khawp mai - a hmelchhiat ve nen!)

Mali: A...bei mak thei.

Rinawma: Ngati maw?

Mali: Bei mak thei em a lawm.

Rinawma: A eng a chu?

Mali: Bialpa i nei em tih hi.

Rinawma: Nia...eng nge makna? Nei nge nei lo?

Mali: Nei mai thei. (Nui lai lem)

Rinawma: I fel reuh...i nei ngailo mi?

Mali: Ngai tho mai.

Rinawma: Tunah???

Mali: Nei tep...hahhahah..

Rinawma: Tu?

Mali: Naaaa..

Rinawma: Eng nge? Kum 24 i ni tawh em?

Mali: Ummm.. (Nui lai lem)

Rinawma: Ni mek?

Mali: Aw...

Rinawma: Min ning em?

(Rinawma hi a zei dan a tenawm!!!)

Mali: Teuh lo!

Rinawma: Eng angin nge min ngaih ve?

Mali: I fel ve reuh ka ti. Keipawh lo zir ve daih ka duh a, mahse ka chhungte'n an phal lo a.

Rinawma: Ngati nge an phalloh a?

Mali: Ka hre biklo...min ui a niang.(Mittui per chuai chuai a nui lai lem)

Rinawma: Hahhaha

Mali: A hautak viau lo maw?

Rinawma: A hautak ve tho mai.

August 19, 7:20AM

Mali: Morning..

Rinawma: Chaltlangah ka awm mek

Mali: I bazar em ni?

Rinawma: Aih...ka lo chhuak ve hrim hrim.

Mali: Ok...nih chu

Rinawma: Ka lo rim dawn che.

Mali: Hahhaaha..

9: 47PM

Mali: An koh dan che ka hria

Rinawma: Engtin?

Mali: Ka sawi duhlo.

Rinawma: Sawi teh...naupangchhia viau suh.

Mali: Ramhuai pitar (Zawngte hmaihup)

Rinawma: Demon kha maw?

Mali: Niang...hahhahhaha

Rinawma: Hahaha...tunge hrilh che?

Mali: Hre chiang tawh lo.

Rinawma: Hm...tunge i zawh?

Mali: Ka hre tawhlo...ka zawh ber pawh...

Rinawma: Ka chanchin mai mai te i lo zawt ve duh mi a?

Mali: Ka hre ve tawp...mai mai tih kher.

Rinawma: A...i tan engmah ka nilo a..

Mali: Mama niang....

August 31, 10: 31AM

Rinmawma: (Zozam News paper PDF file a va thawn a.)

Mali: Bold lai hi ka duh lutuk. Min lo share ziah teh newspaper hi.

Rinawma: Ka bem che a min duhloh thu hi ziak ila a tha ang. (Nui per chuai chuai)

Mali: Hahha!!(Nui per chuai chuai)

September 1, 9:32PM

Rinawma: Ramhlun Vengthar in ni em?

Mali: No...

Rinawma: Pawi ve...Vengthar ah kan lo kal dawn a sin.

Mali: Naa...Venglai mi nen in 'swap' pui la. (Mittui tla nui per)

Rinawma: Hahahhaha

September 3, 9:04 AM

Mali: Vawiin chu tha deuhin aw...nice day.

Rinawma: Ka tan dawn a...khawnge in kohhran?

Mali: Ramhlun Venglai.

Rinawma: A pawi e...ka hmuh chak che nen.

Mali: Khawiah nge in inkhawm dawn?

Rinawma: Vengthar ah...lo kal ve daih mai rawh.

Mali: Hahhaaa..tha deuhin aw...

Rinawma: Ka ngai che e...(Love sign 2)

Mali: Lawmawm thei..

Rinawma: Lawmthu te inhrilh...naupang kum 5 mi ang lek ah min ngai.

Mali: Ngai biklo e..

Rinawma: Ka la bem tlu dawn hrim hrim che..

Mali: Hahhaha...chi loh ang..

Rinawma: Aw le

Tlai lam dar 4:35PM

Mali: In haw tawh mi? Eng nge an? A nuam em?

Rinawma: Aw...a nuam in kan hlawkpui khawp mai.

(A testimony thenkhat a share a)

Mali: Pathian hi a tha khawp a...a mi te hi hreawm ti a kun reng te hi a phallo a, kawng min hawn sak zel thin a lawm.

Rinawma: A dik chiah...5:30PM...chaw eitui aw..

Mali: Eitui le...

8: 24

Rinawma: Inkhawm em?

Mali: Aw inkhawm e....in ka thleng deuh chiah.

Rinawma: Naktuk i class dawn em?

Mali: Ce l le..

Rinawma: Mizotawng hi type uluk zir rawh.

Mali: Sorry...i ti har tawh ka ti lutuk a.(Nui per chuai chuai)

Rinawma: A...ka thiannu kha i lo ni leh silo a.

Mali: Mizo Keyboard kha i hmang a mi?

Rinawma: Aw..hmang e...ngati nge?

Mali: Ka nei ve lo a.. (A lo screen shot a)

Rinawma: E he...i fonts chu va nalh ve...ka hming te khi 'official ruih mai!

Mali: Naaaa..

Rinawma: Eng nge 'Naaa' hi? I eng nge na?

Mali: Va chimawm reuh e..

Rinawma: Ka chimawmloh...chimawm min ti tak tak la chuan min reply lo ang.

Mali: Chiah aw? (Lei chhuah lai lem)

Rinawma:  Hei!

Mali: Enge?

Rinawma: Chimawm suh!

Mali: Ka chimawmloh...chimawm min ti tak tak la chuan min reply lo ang.

Rinmawa: Hahha...Mal...

Mali: Umm

Rinawma: Tlem tlemin min ngaina ve em? (Zawngte hmai hup 4)

Mali: Um..

Rinawma: Ka va'n lawm...ngati nge a chhan?

Mali: Ka hre lo...i chimawm vang a niang.

Rinawma: Hm...ka beiseina 90+ atangin -5 ah min cut.

Mali: Ngati maw?

Rinawma: Min ngaina ve a...kawng a inhawng ka lo tia...mahse a chhan khi..

Mali: Hahhaa....eng nge a theihloh mi?

Rinawma: I hmingpum?

Mali: Malsawmtluangi

Rinawma: Kum tawpah meuh chuan i lung hi ka ti leng dawn hrim hrim

Mali: I va'n sual tak

Rinawma: A dik i ti Malsawmtluang..

Mali: Capital lo deuhin aw..

Rinawma: A dik tiraw? Engtia koh nge i duh ber?

Mali: I duh duh dan in..

Rinawma: Duat.. (Zawngte hmai hup pasarih)

Mali: Heyyyy...

Rinawma: Kha...i eih leh duh silo kha.

Mali: Chuti ang te chu a (Zawngte hmai hup)

Rinawma: Eng nge??

Mali: A zahthlak.

Rinawma: Yes....i haw lo a, ka lawm...

Mali: I va'n chimawm ve tak!

Rinawma: Min ning em?

Mali: Ning lo e..

Rinawma: Min duh ve ngem - tun ah nilo. 

Mali: Chuti ang ka sawi peihlo.

Rinawma: Okk...tihpalh lutuk.

Mali: Ti leh ta..

Rinawma: Sawitur ka hre tawh lo.

Mali: Hmm...

Rinawma: Ka beisei tawhlo ang che.

Mali: Na ve...i thu lawm.

Rinawma: A nih...beisei i duh a mi?

Mali: Ka hre lo..

Rinawma: Min hnar lo..

Mali: Mu duh tawh em?

Rinawma: Ka mu reng..

Mali: Chimawm leh dawn tan..

September 5, 6:31AM

Mali: Morning... Lalrinawm...i chimawm hle mai.

Rinawma: Hmmm.

Mali: Eng nge?

Rinawma: Engmah!

Mali: Sual em mai.

Rinawma: Lo zirchhuak phawt la, mi dang lo nei suh aw?

Mali: Hahhaha...nia..

Rinawma: Malsawmtluang, nuihza ka siam lo.

Mali: Lalrinawm, min hau peih!

(End of Chapter III)