'Diana' tih ka hriat hmasakna ber chu Lady Diana, Princess of Wales, ni 31 August 1997 a boral ta kha a ni a. A hnulam ah chuan Diana tih hming pu hi hriat zui pawh ka neilo.
Kum 2012 kha nita in ka hria, Facebook ah Diana tih hmingpu hmeichhe pakhat, chhim lama mi hi ka hre leh a. Chu nula nen chuan kan inkawm ngeih ta phian a. Facebook lar hma, WhatsApp kan hmel hriat hma khân SMS in kan inkawm ve na sa țhin - Diana nen chuan.
Chu ka hmelhriat Diana chu kan inkawm zui ta lem lo a. A chanchin vel erawh Facebook ațangin ka hre ve leh țhin a. Hmanni lawk khan Messenger ah Diana chu engemaw ka zawt a. Chumi hnu ah a WhatsApp Phone number ka dil a, țha takin min pe a, ka lawm hle.
Zemabawk North Kohhran kan tlawh țumin Diana chuan WhatsApp ah a photo status a update a, ka hriat țhin lai aiin a danglam tak êm avangin danglam ka tih thu ka va hrilh a. Mahse ka'n enchiang a, ka hriat țhin Diana kha a lo ni miahlo!
Facebook ațangin ka'n check chiang a, ka țhiannu țhîn Diana kha nilo in Diana dang daih a lo nia. Kei lah chuan ka hrechhuak har sia - a number min pêk hnu ah pawh. Aizawl lam nula, Mizoram University a Mass Communication zirlai daih a lo ni!
A number min pek hnuah ka țhiannu țhin kha emaw tiin reife ka kawm a, a lo ni silo tih ka hriat chhuah hnu chuan thupha te chawiin ka hai thu te ka hrilh luam a, țha takin min lo dawngsawng a, min lo hrethiam a, ka lawm hle.
Chumi hnu chuan a thlalak te ka'n en chiang a, nula zahawm tak, entawn tlak tak niin ka hria. Facebook a a thlalak ho reng reng ah chuan thawmhnaw zahawm tak nen a thla a lakna hlir a awm a. Sexy deuh leh thawmhnaw tawngchham a hakna ang chi pakhatmah a awm lo a, ka ngaisangin ka zah ru hle.
Hetah tak hian hmeichhe entawn tlak tak a nihna ka hmu a. Mipa tana zuamawm loh nula, incheina uluk leh mi invawng tak a ni ang tih a rin theih nghal a. Amah pawhin thawmhnaw dahlau lutuk chu zahawmloh a tih thu a sawi. Tunlai țhalai hmeichhia, a kum rualpui nula te tan chuan entawn tlak tak niin ka hria-Social Media a thlalak pho chhuah chungchang ah.
A țawngkam hman uar te-
1. Naaaa.... "I eng nge nã?" tih ka zawh let chuan a thinrim țhin hle!
2. I chimawm... Hei hi sawi tur a hriat tawhloh chuan a hmang ziah bawk.
3. I bei mak!... Zawhna zawha a ngaihdan nilo a chhan lêt dan.
Tunlai țhalai tam tak ang bawk in a thilziah a 'short cut' nasa ve hle!
Inkhawm a taima reuh em em a. Tarmit lian deuh vuah a ching fu bawk!
Thil chhiar a peih em em a. Chanchinbu tak hi chu a chhiar peih em ka hre lo.
BA a zirlai chuan English a la țhin a, Mizoram University hnuai a Mass. Com. a a inleh chhan chu English a zir peih tawhloh vang a ni awm a, a thiam tawh viau a niang -haaaaa....
Diana vanga hai ka ni bawk a, Diana chu enge awmzia tiin JF-a Dictionary ka'n keu a, 'Rom mite êng pathiannu, thla pathiannu adt' tihna a lo nia. Kei hi ka dumin ka thim ang reng sia, min chhun êng sût se la a lawmawm ngawt ang.
Diana zara kan êng ve sût a nih chuan Vai te kan an loh phah ve deuh ang a, a nuam ngawt ang!
Comments
Post a Comment