Skip to main content

MIHANG PRESIDENT

Barack Obama chanchin a nilo. Tuna ka sawi tur chu keimah anga pa te ve tak, hang ve chil chel, chal ngal ve lil lel- Zosangliana Rokhûm chanchin a ni. Amah hi Rokhûm hnam a ni a. Kan Pu Zahmuaka fa tlum ber tuchhuan a ni a. Keini Zadeng te chuan kan tlum ber annih avangin kan hlau lêm lo. 


Aizawl Bungkawn Vengthar lam chhuak a ni a. A tunhma nun leh chanchin ka hre tamlo a. Missionary a ni tawh tih ka hria a. Nupui neiin fapa Kevin-a a nei tawh a. Tunah hian Aizawl Theological College-ah Bachelor of Divinity (BD) Final Year a zir mêk a. ATC Students' Body ah President a ni mek-kum 2017-18 session atân.

Ka sawi tak ang khan pa te ve tak, chal ngal, tarmit vuah a ni a. Keimah ang in a dum uk ve khak! Football a khel peihin Messi a ngaisâng hle a. A style te hi thiam vaklo chungin a copy ve nasa țhin. 

Mawl biak a duhlo hle a. Mi tupawhin an mâwl biak dawn ai chuan Sangtea tia an koh țhin thu a hrilh vat țhîn. Tin, English a thiam êm êm a, Greek a thiam hle bawk-a classmate te pawhin a Greek thiamzia an hrilh fâk a ni.
Zosangliana Rokhûm

Sikul leh College ka kal ve tawhna ah mihang President ka hrawn hmasak ber a ni a. Ka la hmuh tamloh vang nge-President pa te pâwl tak a ni bawk-ka hrawn ve tawh ho ah!

Mahse Amaha ka hmuh leh duh êm êm pakhat chu- a inngaihtlâwmna hi a ni. College leh Sikul danga ka kal ve tawhna ah President niphak chin hi chu an in dah lian ve deuh lurh zel a. Sikul nilo pâwl dang hrim hrim ah pawh President niphâk chin hi chu dawhsânah, mipui ep zawnga țhu țhîn anni tlangpui. 

Mahse kan Mihang President hi chu chuti ang a nive lo. Zana kan inkhawm te leh zing a kan inkhawm chângte hian thiam vaklo chungin Khuang te hi a vaw ve nawk bawk zêl a. A friendly in mi aia sâng ah emaw langsar ah emaw awm a tum ngailo a. Inngaitlâwm takin, kan biak phâk, kawm theih leh fiam bawrh bawrh theihin a awm a. A zahawm letling zâwk hle-intizahawm tak te aiin. 

A pa te a, zuam a awl a. A inngaihtlawmna leh inphahhnuaina hi mi zawng zawng tana biakphak leh nel theih a nih phah a. A lo ngo sãr vuahlo hi keini mi hangho te fiamhlawhna fiamthu a dawngsawng phâk a. Theologically chuan a President ber hi a 'Marginalized' hle a, a Lal Isua hle hian ka hre țhin!

Chuti ang teh nuaih chu ani ve a-kan President Sangtea hi. Zuamawm tak a nih phênah Academic lamah a thiam thei ber pâwl a ni a. Mi biru entawntlâk tak a ni. 

Dear Black President, i nun inngaitlâwm tak hi lo chhawm nung zêl la. Nakin ah Pastor țha tak, mi zawng zawng biak phâk leh huapzo, Lal Isua nun dan entawn tlâk tarlang a chhawm nung zêltu ni turin duhsakna sang ber ka hlan a che! 

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more