August thla ni 17 vel ah emaw ni ka lo inbox nawlh che a Facebook ah-kum 2015 ah khan. Chutih lai chuan Laboratory Technician i zir mek tih min hrilh. Hetih lai hian ka be zui lo che a, enge i tih a tunge i nih pawh ka hre chuang lo. I profile picture-ah Sun Glass dum i vuah tih erawh ka la hre riai riai thei.
kum 2016 kum tir te ah emaw a ni ang-ka lo biak zui leh nawlh che kha. Vawikhat phei chu zanah nangmahin Facebook ah min lo inbox hmasa nghe nghe a nih kha. Lab. Technician i zir zawh tawh leh tawh loh te ka zawt che a, mak i ti hle nghe nghe kha! Keipawhin mak ka tive tho-kan inbiak leh kha ka ring biklo a, mahse kan inbox hlui atang khan kum 2015 August thlaah kan inbe ngei tih erawh ka hria.
A mak ve ngawt mai-kan inbe zel a, kan inhrechiang chho zel a, kan inhre ta mah mah a nih kha-Hahha! Kan inhmuh hmasakna ber kha i la hria em? Chief Minister Lalthanhawla Building kawt ah-tlai dar 5:30 ve velah kan inhmuh kha! Kan thiante'n thla min laksak a, i ngo ang reng sia-kei ka lo dum bawk nen-i lan that em kha-Hahha!!!
Ka thianpa pakhat phei chuan fa nei ta ula, a țial ang min ti hial a ni. Khatih lai khan thlâm kan sak zawh tawh-hlo kan la thlawh hma si kha nia. Ka no loh sa nak laiin ka 'dry' zual em em a, ka khi deuh hrup in ka hria-nang lah kha i ngo-no vei vung sia! Kan thlalak dun ah pawh kan in 'thim' hleih hle! Nang chu i paw phak a, kei ka dum chal reuh a- Black & White kan ni chiang ngawt mai!
'Short cut' ang-min kalsan ta thut mai a nih kha! Ka tal buaiin ka nep zia kha aw! Vawiin thleng hian i kalna chhan hi ka la hre fuh hlei theilo a, ka la baihvai viau thin. Mahse ka hriatchian em em pahkhat chu-min kalsan tih hi a ni. Khata kan hmalam hun te kan suangtuah a kan 'dream' te a thlawn mai ni tura i han kal thut kha chu-kei mi nep tak hi ka talbuai rei em em a, i ngaihnep kha ka hlawh em em a nih kha. Min be duh tawh lo a, ka lam hawi hian vawikhat pawh thawk ila tawhlo ngailo ang tih ka hria a. Kei nena inzawmna thil engmah i nei tawh lo a, kei chu na taka kalsan-hnawl chian em em ka ni!
Ka țah nasat zia kha! Mahse ka zak miahlo-Pa takin ka țap a ni. A chhan chu ka hmangaih takzet che a, min kalsan kha na ka ti a, ka țap hawm hawm mai a ni-pa takin! Nangmah vanga ka țah khan min ngainep tih ka hria a, kei ngeipawh khatih lai khan ka inngainep a, ka inhua a, ka indem takzet a ni. Mahse tun hnuah hian ka hmangaih zia che ka hriatchhuah phah a, ka zak reng reng lo a, ka inngainep duh tawh reng reng lo.
I duh ang ngeiin min kalsan a, i inchhir lo tih ka hria-kei chu kalsan tlak ka ni a. I kalsan ka nih miau avangin i rilru ah ka awm ngailo ang tih hi ka hrechiang a, ka beisei tawh ngailo che. Vawiin thleng hian min la hua in min la ngei em em reng ang em tih erawh chu ka hre pha tawh hauh lo.
I tan, i tan chauh, nangmah vang chauhin ka țap. Nangmah vang a nih chhan chu ka hmangaih em vang che khan a nia! Ka mittui a tla a, ka rilru a na a, rei tak, thla tamtak chhung kha nangmah ngaihtuah in ka hun ka hmang a. Kan nunhlui te ka ngaihtuah kir a, mi dang ta nitur a ka ngaihtuah chang che phei chuan ka rilru na lutuk kha ka mittui a lo hnam leh sawk sawk țhin a. Ka thinlung a hian i nung vawng vawng a, i tina vawng vawng bawk.
I kalna chhan kha eng nge ka hrelo a, mahse min hmangaih lo tih erawh ka hria. Chuchu ka ngaihtuah chhuah hian ka tap nawn leh thin! Mahse a pawilo-hei ka țap ka țap a, ka țap bang ve ta reng mai! Pa tak maiin ka țap a, ka țah fo tak hnuah hian ka hmangaih vang che a ka rilru natna chu ka mittui te khan an tleng dal ve ta a ni ngei ang.
Ka hmangaih che vangin ka țap-pa takin!
Comments
Post a Comment