3 ENGLISH ANGELS

Sâp an nilo! Chhangte, Pachuau leh Ralté an ni! Sâp an tum pawh in awm ngailo. Mahse Sapțawng an thiam  êm avangin '3 English Angels' tiin  ka vuah! 

Ka tân an hlu êm êm a, Sapțawng ka thiamloh-kan zirlai kaihhnawih leh hnawih loh te thlenga ka zawh țhin anni a. Min hrilh țhin a, ka hlawkpui takzet a ni.

Mizo Bloggers WhatsApp Group ah kum 2015 khân min add a, Sâp Țawng deuh hlîr hian chu ka awmna Group chu an titi țhîn a, engmah sawitur  ka hre velo a, Sap Țawng ka thiam lo nên-Cleartor ka ni! Chutih lai chuan hmelhriat 1 chiah chu Bloggers ah chuan ka nei -Zofa H Chhangte.

The 1st Angel-Dr. Laltei Cherrie Chhangte

Zan rei lam deuh ah leh sum dawnna chungchang an sawi a hmeichhe 1 lo lang ve ziah țhîn hming chu Cherrie Ddb a ni! Chu chu Mizoram University English Department a Zirtirtu Dr. Cherrie Chhangte ka hriat țan dan a ni.

Sap țawng ka thiamloh tam tak ka zâwt a, taima  tak leh dawhthei takin min hrilh a, ka hlâwk in ka sâwtpui êm êm a, ka tan chuan 'Angel' a ni. Amah roh hi Angel ni tak tak âwma mawiin a hmelțha phian leh nghal a, a la zahawm êm êm zui.

Mahse...keimah ang tho in i rilru na ve ang-Nula ni tawh lo!! A thlalâk khu en la, lênlâi ruallo leh țuanna mual in an loh vang a intawng lo inni hi pawi i ti ve telh telh ang!

Mizo nu, Mizoram leh India ram tân pawh a zahpui awmloh, lehkhathiam, mi efficient tak Miss Dr Laltei Cherrie Chhangte dam reng rawh se!

Dr. Laltei Cherrie Chhangte

The 2nd Angel-Kukui Pachuau

He nu hi chu ka hre vaklo. Pachuau Luhlul tak a ni mai thei! Amah hi a pa roh phian in ka hria-a photo vel ka hmuh dan a ka rindan in! Mahse Pasal țha tak a nei-fa pawh. No Vacancy!

Pachhunga University College-a English Department ah Zirtirtu a ni. Dr a ni ve țêp tawh bawk. Miss Dr. Cherrie aiin ka zahlo-a chhan chu Dr a ni velo a! New Testament kan exzam dâwn a Sapțawng ka zawh, dawhthei taka min hrilh kha ka damchhung in ka hre reng tawh ang.

Angel-Vantirkoh pa tak leh hlu êm êm a ni ka tan chuan! An pa Mospuia'n mîn huat phahlo ang chu maw!

Miss Kukui Pachuau

The 3rd Angel-Chased Ralte

Bloggers Group ringawt a a hming ka hmuh tirh chuan mipa ah ka ngai char char! A 'Dp' kha ka hmu thei bawk silo a. He nu hi chu nula ni ve thung.

Harh hmêl thit thet, Ralte bengchheng phuahchhan ni âwm tak a ni-a photo țang chuan. Mahse ka ngaina lo-Jeans Kekawr țet a ha tlat!!

Enge thawh țhin pawh ka hrelo. A changin hmun changkân hmel deuh deuh ah Vai changkâng ho thla a lâkpui a, a châng leh Hero I League chu Mualpui leh Shillong ah te lo en leh daih a! Inkhel.com ah hian Admistrator pakhat a nih chiah ka hria.

A vak kual mai mai lo niang, M. Phil a zo tawh a, Mizoram University ațangin Doctorate Degree lak tumin a bei leh mek. Nula la nih man ah a thlalak pahnih dah lang ang.

Miss Chased Ralte

Angel-Vantirkoh te hi Van ah chauh awmlo in ka bulah, min țanpui inpeih reng in an awm tih chiangtak in ka hria. A chhan chu Miss Kukui, Dr. Laltei Cherrie leh Nula Chased-i te hi min țanpui tura chunglam in Vanirkoh-Angels min pêk te an ni. Biblical chuan Hmeichhe Vantirkoh erawh an awm ngailo tih kan hria. 

In 3 chungah hian ka lâwm tak zet a ni. Ka sawi thiamlo zawk, ka lâwm a ni tawp mai! 

The 3 Angels, 

Thank You so much!!

God bless You.