KA TI THEI

Harsa ka tih thin zia kha! 

2 July kha ka la hre reng mai-28 February nen. 

I thatna leh thatlohna ka hria a, ka chakna leh ka nepna i hre chiang bawk.

Tunge i nih tih hi a sir hnih atangin ka hre tawh a, kei phei chu min hrechiang leh zual!

Hmangaihna ah hi zawng-Siamtu Pathian meuh pawh a thilsiam ah a lo chang a nih hi!

A neih chhun a fapa ui lo in kan tan hmangaihna avangin min pe hial a.

A chung ber leh hnuai ber te'n kan intawm turin Ranchawpekna thleng a thlang mauh bawk!  

Min siamtu chung Pathian tuiralna leh inpuanchhuahna vawrtawp chu Hmangaihna!

Kei mihring satliah-mi satliah takzet hi i laka ka nepna chhan kha Hmangaihna vang a ni.

Min dem lutuk bik suh aw? Min ngainep a nih pawhin duhtawk tawh la tiraw?

Hmangaihna hi amah chauhin a famkimlo-hmangaih let ve a ngai tih kan hriat kha.

Hmangaihna vawrtawp-Lal Isua pawh kan hmangaih let loh chuan min kalsan dawn.

Ka nghak che a, ka chhai che a, ka vei che-i hre vek.

Ka sawm che a, ka ngen che a, ka inpek kha i tan.

Hmangaihna vang chuan engkim hi-KA TI THEI.

Ngaihnep, hmuhsit, tawrh, beidawn, beisei, tlawm, engkim-KA TI THEI.

Hmangaihna hmangaihloh vang hian kalbo turin-KA THEI.

Ka theihloh zawng zawng kha Hmangaihna vangin-KA TI THEI.