KUM 2016

January: Kum tir te ah Odisha atang in ka lo haw a, khua a la vawtin mahni inlum ngei ah hun ka hmang a, nuam ka ti hle. Ka nuna ka duhber pakhat-Bachelor of Divinity (BD) Entrance a vawi 3 na atan a pek leh tum in ka inbuatsaih ve a, ka huphurh tawh hle. A zawnin vawi 3 ka dilna tur a ni a, diltu mi 150 lai mai kan awm leh nghal. Ka tlinloh leh chuan ka beidawng hlen ve tak tak tawh ang-ti ila ka dil leh tho ka ring.

February: Aizawl ah BD Entrance pe turin ka kal a Ka tlinloh thut a Odisha a chhuk  nghal turin ka insiam lawksa a, ka chhungte pawhin chuti ang rilru pu chuan min thlah bawk. Ni 10 February ah Aizawl Theological College-ah BD Entrance kan nei a, Pathian zarah ah a vawi 3 na’n Written Exzam ka paltlang leh a. Mi 143 vel zet in Written Exzam kan hmachhawn a, Personal Interview tur a tling te list chu ka hmu lo a, ka tling ve leh satliah ah ka inngai.

Ni 12 ah ATC ah Presonal interview hmachhawn tur a ka kal chuan Written Exzam paltang te hming list ka hmuh chuan ka phu nasa hle-mi 143 zing ah mi 48 chiah min thlang chhuak a, chutah a tawp ber dawttu ah ka hming a la awm zui! Paltang leh satliah mai mai ang a ka inngai kha ka lo tisual hle-Pathian khawngaihna zawk liau liau a ni. 

Chawhnu lam ah Theological Education Board (TEB) hma ah Personal Interview ka hmachhawn leh a. Ka vawi 3 hmachhawnna a nih tawh avangin ka zak ru tawh hle a, ka luh hma a ka tawngtaina chu-Isu, ka ai interview rawh, kei chu ka tling theilo-tiin. Zawhna min zawh bak chu engmah ka chhang lo ang tiin rilru ka siam a, Missionary ka nih ka lo chapopui thinna zawng zawng te kha ka zak em em a, min zawt a nihloh chuan ka sawi lang lo ang tiin ka intiam a, Pathian chauh rinchhan in ka hmachhawn a, Sam 37:05-na kha a tak takin ka nunpui ve tawp. 

Amah Pathian chiah a ka innghah pumhlum chiah khan Pathian chu a lo che a, zan dar 7:00 vel a ATC Facebook Group a kum 2016 a BD zirtur list an tar lan mi 25 zing ah chuan 15 na ah ka lo awm ve ta hlauh mai- ka va han lawm in ka chhungte phone nan Balance ka uiloh zia kha!! Pathian hian Amah a kan innghah pumhlum chiah hian kan tan hna a thawk thin-thildang rinchhan kan neih chhung chuan a ropuizia kan puangchhuak thei lo!

Thla tawp lam ah ngaihzawng ka nei a, ni 28 ah Facebook ah Relationship kan dah kha!!!

March: Kan khua ah ka awm a, lo lam ah kan feh thin a. Odisha ah ka lo in awm no ve tawh nen, kangvar kan han kal tak tak chu ka cher rawk rawk a, ka thu nghal hle-a hma pawhin ka keu vuk chuang lo na a!  Kristian Thalai Pawl General Conference vawi 56-na New Champhai Field a neih ah ka han kal ve a. Kum 2006-a E. Lungdar a neih a nih khan ka kal a, kum 10 hnu ah a vawi 2 na’n ka han kal leh a, a nuam ka ti hle. 407 a kal kan ni a, ka chau hle.

 April: Enge ka tih ber ka hre mumal tawh lo. Lo ah ka feh ve fo a ni ang!

May: ATC luh hun ah Migration leh BA Original Certificate ken a ngaih dawn a vangin Mizoram University atangin ka lak a ngai a. BA kan chhuah kum 2013 ah kan College-ah Certificate an thawn lo a, MZU a kal turin Aizawl ka kal a, ka thiannu nen kan inhmu. Mizo Blogger WhatsApp Group atang a ka hmelhriat, MZU Professor Dr. H. Lalmalsawmi’n engkim min buaipui a, awlsam takin Certificate leh Migration te ka buaipui a, a car in min hruai a , MZU ka vawi 1 kalna a ni a, min fan pui bawk a, a chungah ka lawm hle. 

June: Ka pa dam thalo reng a, ka nu nen hlo thlo in kan feh ve nasa hle. Hnuh a lo lian in kan tul tawh hle a, hlo pawh chhep lo in kan chap darh nasa hle! Hlawhfa te ruaiin Pathian zarah kan thlo zo ve thei hram a. Ni 8 a ATC a lut turin Aizawl ka nau nen kan kal a, Arsenal Fan te’n chawhlui nen min thlah a. Arsenal Towel, Bucket, Blanket etc te min pe a, ka lawm hle. Arsenal Fan te hi Aizawl a ka chhungte, ka mangan leh mamawh a min tanpuitu an ni a, an chungah hian ka va lawm em!

July: Ka thiannu nen kan inthen a, ka talbuai hle! Ka Phone screen a keh a, exzam lo hnai chho nen, ka nun a tal buai hle. Pathianin  Amah aia ka thiannu a ka ngaihsak hi a phallo tih ka hre chiang hle bawk. 

August: Presbytery-a kan kalna tur list an tar chhuak a, Khawthlang Presbytery ah kal turin kan hotute’n min ruat a, ka thiannu (hlui) te Presbytery niin a pa Kohhran Upa ah an nemnghet dawn zui. Kan exzam hnai leh ka rilru na a inpawlh chho nuk a, ka phone chhe reng bawk nen hreawm ka ti hle.

September: Exzam kan nei a, ka damlo nen, rilru na-hah nen hreawm ka ti hle a. Damlo chungin English ka exzam a. Exzam hall ah ka khawsik damdawi ei in min hneh lutuk a, ka mutthlu in ka pen te ka thlauh a, ka thianpa in min lo chharsak a, ka ti chhe hle. 

October: Thla tir lam ah Presbytery hmang turin Zawlnuam ah kan kal a, ka vawi kalna leh Khawthlang lam ka vawi 1 kalna a ni a. Lunglen, rilru nat, kawngchhia leh khawhar fawmin ka kal a, kan tluang lutuk lo leh nghal a, hreawm ka ti hle. Mahse heng zawng zawng hi nun tam kan neihna tur zawk a ni tih erawh ka hria a, ka zuau lutuk chu ka indem zawk.

Kawrthah ah MZP General Assembly in MZP Chanchinbu a ka thuziah chu ‘Article of The Year’ ah min thlan sak a, Citation mawi tak leh Rs. 2000/- zet min pe a, ka lawm hle.  ATC a ka let leh hnu ah ka thiannu chuan midang a nei tih ka hria a, ka nun a beidawng hman hle a, hreawm ka ti hle.

November: Exzam zawh a ni tawh a, 2^nd Semester a kan zirlai kan zir tan a, College Day leh Sports te kan nei a, kan hlim hle.

December: Ka hmangaih kha ka la hmangaih reng. Mahse Lal Isua hi a hmasa ber a ka neih a tul tlat tawh si a, chumi tur chuan ka rilru ka siam a, harsa ka ti ang reng hle. Kum thar atang chuan Online hrih loh ka tum a, ka theih chen chen Pathian leh ka zirlai ah ka hun zawng zawng ka pe ang tiin ka intiam.

“ Ka lo kir leh ang-Lal Isua nen”