Skip to main content

BACHELOR OF DIVINITY (BD) LEH SAM 37:05

BA ka zirzawh hun hun ah BD hi zir ve ngei ka tum ruh hle a, harsatna neuh neuh tâwk chungin Pathian khawngaihna in BA ka'n zirzo a; ATC ah BD Entrance ka ve pe ve ta nih kha.

Pathian thu a ka duh ber Sam 37:05-na- a Sapțawng nen lam a ka lo vawn ve chu ka innghahna atan hmangin beiseina sâng tak nen kum 2014 khan ATC ah ka va intreview ve a, mahse ka tling lo.

Ka rilru a nã ang reng viau a, mahse tih theih dang engmah ka neihloh avangin 2014 June thla ațangin Odisha ah tlinglo takin Missionary in ka kal a. BD zir ka duhna chu rilru ah a thih theih tlatloh avangin kum 2015 kum tir ah BD chu Entrance ka ve pe leh a. Beiseina sang leh zual nen ka tlin ngei ringin ka bei a, mahse Personal Interview ah bawk chuan ka tla leh a, ka beidawng kher mai!!!

Ka beidawngin ka ngaihtuahna a vak thui êm êm a, ka zak bawk. Min duhsaktu te'n min hnem pahin titawhlo turin min ti bawk. Ka rilru a nã hle a, min hnem thiam an awm meuh lo. Keimah in ngawi rengin ka tuar a, Sumo ah beidawng takin ka inngaihtuah a, Odisha ka pan ta hnek hnek a. Pathian hnen ah enge ka tlinlohna chhan ka zawt a, Pathian min chhanna chu ka zakin ka lo chapo hle tih ka hrechhuak!

" Ka thu Sam 37:05-na ' I awmdan tur chu Lalpa chungah nghat la, Amah chu ringla, Aman a ti
vek ang' tih a ni lawmni i innghahna? Keimah ah innghat lo in Chhim lam mi i nihna te, Missionary i nihna te hmachhuan in Intreview paltlang i tum a, chuvang a nih kha.  Ka thu a i innghahna Psalm 37:05- 'Commit Your way to the Lord, trust in him and he will act' hi a thu mai nilo a tak ngei a i nunpui hun ahi tling ang" tiin ka beidawn laiber chuan min chhangta a.

Ka zak em em a, Pathian hnen ah ngaihdam ka dil a. A thu Sam 37:05-na chu a tak ngei a nunpui turin kum khat hun țha min lo pe leh a lo ni reng mai-Lalpa ka va lawm em! ' Tichuan kum 2016 ah Pathian chauh rinchhan in, inbuatsaihna țha pawh neilo in Entrance ka pe leh a. Personal Intreview ah pawh ' Isu, ka ai interview rawh, kei chu ka tling theilo' tiin ka țawngțai tawp a.

Pathian khawngaihna chuan Amah ah chauh ka innghah chiah chuan ka duhna chu min tihhlawhtlin sak ta-Lalpa chu fakin awm rawh se! Pathian in kan duhna leh kan țawngțaina te hi a hre vek a, za ah za (100%) a Amah kan rin a kan innghah hun ah chiah A ropui zia leh a a hmangaihna thûk zia chu kan chung ah tihlan in
a awm ngei ngei- Pathian chu a tlai ngailo a, a thu a daw ngai hek lo.

Pathian ropui zia kan hmuhna tur a nih phawt chuan vawi tamtak hlawhchhamna leh harsatna te hi tâwk tur kan lo ni. BD Entrance vawi 2 tla lo ila chuan A ropui zia hi ka hre phak ngailo ang.

LALPA, I ROPUI ZIA HMU A PUANGCHHUAK TUR A KEI TEH LUL MIN DUH A NIH CHUAN MIN TIHREAWM ZEL ANG CHE.

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va...
Post a Comment
Read more

A saw raltiang tlangah, kraws hlun tak chu a ding

Lal Isua kan tana Kraws a a thihna hlut zia leh ropuizia puanchhuahna hla ropui ber pawl chu Rev. George Bennard phuah ‘A saw raltiang tlangah, kraws hlun tak chu a ding’ (The Old Rugged Cross) hi a ni ngei ang. He hla hi Kristian Hla Bu kan hman mek ah hian No. 203 ah a awm a, Lalmama (L) min lehlinsak niin, amah hi Mizo hla phuah thiam kan neih zinga a mi a ni a, he hla a lehlin pawhin hi a mawiin a nalh hle anih hi.   He hla phuahtu Rev. George Bennard (1873-1958) hi Youngstown, Ohio ah a piang a, naupangte anih aliin a pa hian a boral san a. Lungalhthei khura hnathawka eizawng chhungkua an ni thin. Kum 1912 ah he hla ropui tak mai hi a phuah a, Pathian thu changlar ber Johana 3:16 thu a chhiar tangin he hla hi a phuah niin an sawi. Rom sorkar in Lal Isua an khenbeh dan tur te, Lal Isua thisen lo chhuak tur te chu a ngaihtuah a. Tichuan Choka ah a rilru awm hla thu chu a ziak mawlh mawlh a, chumi hnu ah chuan Charles H. Gabriel, Chicago mi chu a hla ziak chu thawn a. K...
9 comments
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi ...
7 comments
Read more