KA LAWM E LALPA, I MALSAWMNA VANGIN

Matthaia 6:33- "A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia."

A chang hi chuan Lal Isua hi neih reng a harsa in hnawk tih a va awl em-khawvel nawmsakna lam thlakhlelh chuan! Kan nitin khawsak kawng ah hian hna in ang, thawh in ang leh hlawh in ang kan lak pui te hian keini aiin khawvel thil ah an neinung zawk a, an challangin ngaihsan an hlawh zawk thin!

Officer lai nive si a in leh lo tha nei thei miahlo, NREGS awm hnu a VC/LC Member hausa ve thei lo, Contract hmu ve thei reng reng lo-awmna party a ruh ve fu si-LAL ISUA  chauh nei i nih chuan mimawl an ti ngei ang che.

Electrict Department a thawk nisi mahni inlam a Heater nei ve lo, Gas phur Motor khalh nisi a Gas Cylinder chuang-a tak awm nei thei miahlo, Land & Revenue Department a thawk nisi a inhmun lei mai tur leh ram ruak hre fuh mai theilo-Lal Isua erawh nei tlat i nih chuan khawvel a mi tlaw ber leh mawl ber i ni tiin an sawi fo ang che.

Lehkha thiam em em silo, mahni pian kum ziak naupang duh miahlo zirlai, hausak vang nilo a kumkhat sum lakluh in a daih vang zawk a Scholarship dil velo zirlai naupang-Lal Isua neitu i nih chuan i zirlai  puite tan chuan naupang mawl ber leh hnunglam a hmuhsit ruk i ni ang.

Zirtirtu duh duh a transfer kual theih, khawpui a in leh lo bengbel reng chung a mahni thawhna post thingtlang lama bet taka thawk thin i nih avangin mawl an ti che tih i hria. 'Awlsam te a kherh a khawpui hulum lai a thawk thei reng si kha an mawl vangin thingtlang chengker ah naupang mawl fe fe bul ah an awm phah a sin le'-tiin  nuihsawh leh deusawh i tawk ngei ang.

I  thenawm pa chu Officer lian tak leh zahawm tak, in leh lo tha elhkhen nei, pawl hrang hrang a hruaitu leh Adviser a ruat hlawh em em, thingtlang lam a hna thil a an transfer dawn pawh a a nihna te avang a chhuak theilo leh bialtu MLA te pwhin an ui beh theih chu pa fing, pa rawn tlak leh mi ngaihsan a ni tih i hmuh kha! Gas bur pawh sawm chuang an nei-nang chuan bur khat i nei  hram a.  Mahse anni chu an fing em a ni. In kum inrual mahse pawl sawm an exam dawn ah an pian kum kha kum thum vel a an tih hniam avangin nang aiin an pension har dawn a, i awt em?

Ni e, diktak chuan it chang leh awh chang kan nei a ni tiraw? Mahse zan mut hmun ah leh fianrial a kan inngaihtuah chang hian-Lal Isua kan lo neih ve hram hramna chu a hlu ber a zawk a nih zia kan hre nawn thin a ni tiraw? Mite chuan sum leh pai neilo, mi mawl leh rethei tiin min sawi mah se, chatuan rohlu ber Lal Isua kan nei si a, kan va vannei em tiraw? Ka lawm e Lalpa, i mlasawmna vangin! 

Zan ah thinlung chhungril ber a tawngtaiin tui takin kan mu thei a-kan mut bu chu  a dup kherlo a, kan va mutui si em! Kan thawh chhuah chhun a kan lei chaw chu tui takin kan ei a, kan va han puar em-Lalpa kan lawm e! Kan chhungte nen hlim takin kan nui ho a, nagmah avang chauhin zanriah hi kan kil ho thei a ni si a. I hmaah enge ka sawi ang? Ka lawm e Lalpa, i malsawmna vangin-tih mailoh chu!

Thawmhnaw thar leh in thar te nei ve thei lo mahila-tuktin boruak thar min pe a. Nunna leh hlimna thar min pe a, kan va lawm em! Kan thinlung a lawmna maktak min pek hi khawvel sum a lei rual ani silo a. He kan hlimna leh lawmna thuruk hi-sum leh pai leh in leh lo tha a lawmna leh hlimna zawng tute zawng zawng hian hria in hmu se, nei ve se kan va ti em!

Lalpa, nangmah a kan awm phawt chuan lawmna leh hlimna chhiarsenloh malsawmna hian min va vur chiang em! He khawvel ah mah a tha ber kan duh a, kan zawng a  ni a. Chu thiltha chu i hnen ah-kan thihhnu piah lam thlengin a awm tih hi hre vek ila aw!! Harsatna zawng zawng hnehtu, natna leh thihna hneh tu i nih zia te hi puang chhuak thei turin min pui ang che.

Engmah dang kan ngai lo, engmah dang kan mamawh lo. Engkim hi min pe a, nangmah neih chiah hi kan mamawh a  ni a. Nangin min thlangin kan ta nitur in i lo kal si a.

Ka lawm e Lalpa, I malsawmna vangin......

While the world looks upon me

As I struggle along

They say I've got nothing

But they are so wrong

In my heart I'm rejoicing

How I wish they could see

Thank you Lord

For your blessing on me! 

[Chorus]

There's a roof up above me

I've a good place to sleep

There's food on my table

And shoes on my feet

You gave me your love Lord

And a fine family

Thank you Lord

For your blessings on me! 

[Verse 2]

I know I'm not wealthy

These clothes, they're not new

I don't have much money

But Lord I have you 

And that's all that matters

Though the world may not see

Thank you Lord

For your blessings on me! 

[Chorus]

There's a roof up above me

I've a good place to sleep

There's food on my table

And shoes on my feet

You gave me your love Lord

And a fine family

Thank you Lord

For all your blessings on me!