Ka la hre reng-Orissa ka kal dawn zan a kan in a min thlah kha. Ka ni hmeithai in kan rochun a nih avangin a lian lem lo a, Inverter, Fridge, Washing Machine, Septic Tank etc a chhawmlo a, room hrang hrang a awmlo bawk. Keini lahin chhawmluh tur kan neilo bawk.
Kan Pastor leh Pro.Pastor te, ka thiantha te leh thenawm khawvengte'n min lo thlah a, kan hlim ve khawp mai. Kan thutphah neihin a daih lo a, Anganwadi thuthpha sei kan la a, kan thu tlar ve thap a, a nuam angreng phian mai!
Chutia kan awm ho lai chuan Current a lo thim a, inverter nei velo nafam chuan khawnvartui hmang Bati, khu ung nguah nguah mai chu kan chhi ta a. Bati eng hnuai a kan han thu far chu, Black & White Tv hun laia vel a
awm ni awm takin kan awm a-kan in chuan a lo zir bawk nen.
Ka rilru tak chuan ka zak ru ve hle a. Inverter eng tha tak nei ila, Carpet nalh tak phah bawk ila, chumi chung ah chuan Sofa set dup nuam tak chung ah ka thiante leh kan Kohhran hruaitu, Pastor leh Upa te hi thu se, ei leh in tui hnai tak han hlui te ka chak ve em em a. Kan Pastor Rev. R. Lalhmuchianga leh kan Pro.Pastor , tun a Pastor ni ta Rev. Lalhmunmawia Pachuau te chu ka zah ru in, thingthu bung leh vut awm nuaih mai-kan tapchhak chu nghengin hlim tak a Pathian fakin an zai a nih kha! Ka mittui a tla lo chauh a ni!
Chutia kan pachhiatna lam chauh ka ngaihtuah lai leh engmah kan neihloh zia ka ngaihtuah lai chuan, " He Bati eng hnuai ah hian ka lo tel ve a sin" tiin Lal Isua'n ka thinlung ah thu a lo sawi a, ka va han lawm teh lul em! Kei michhe ber leh tlinglo ber mai hi Lal Isua'n min hmangaih a, kan in chhe te ah pawh min zahpui lo a lo tel ve duh hi ka phulo a, ka phu mawlh lo!
Lalpa, ka va lawm em! Kei misual tan I fapa Lal Isua min pe a, Bati eng hnuai ah pawh min zahpui si lo a!
Comments
Post a Comment