I inpeih em?

Changtute:

1.      Mawia             -           Naupang fel

2.      Zuala               -           Naupang sual

3.      Lawma            -           Isua

4.      Ruata               -           Setana

5.      Dorothy           -           S.S. Zirtirtu

6.      Tetei                -           Naupang sual

7.      Sangtei            -           Naupang fel

8.      Ruata               -           Sangtei Pa

9.      Kimkimi          -           Sangtei Nu

10.  Mipa 3             -           Zuala thiante

11.  Vantirkoh te adt,…

Lan –I na

Sacrament Department naupang ho chu an zirtirtu Nl. Dorothy ho in Sunday sikul an kai mek a, Kohhran Thurin an zir mek a..

Dorothy: Kumin in zirlai hi a pawimawh khawp mai a….chuvangin ngun takin zir ila...kan Kohhran Thurin in zir te phei hi chu vawn chhuah vek a theihnghilh tawh miah loh tur aw?

Naupang ho: Aw le…

Dorothy: Kan thurin 10 na hi…mihring te hi kan dam chhunga kan thil tih ang zel in kan thih hun ah emaw, khawvel tawp hun ah emaw Pathian rorelna kan hmachhawn dawn a…chutah chuan misual te meidil ah kan kal ang a...mi tha te erawh chu Vanram ah kan kal dawn a ni. Vanram kal kan duh chuan Lal Isua kan rin a, nu leh pa thu, kan hotu te thu kan awih te hi vanram kan kalna tur a ni tih hriat reng tur a ni.

Naupang ho te nen chuan Kohhran Thurin chu an sawi rual thap thap a, an bang ta a.

Lan –II na

Mawia, Zuala, Sangtei leh Tetei te an lo lang a…

Zuala: Lo kal rawh u, mual chhak ah khian han kal ila...meizial han zu ru lawk ang u…

Tetei: Kei pawh ka zu ve mai mai chak…kan thiante hian kuhva leh sahdah hmuam te hi an sawi fova, ka ti ve chin chak..

Mawia: Kei chu a pan’n meizial zuk ruk hi a phal lo tlat a…ka ngam lo…

Zuala: A ho e….i pa te  chuan an hre dawn teuh lo…kei pawh a pa in a phallo a…ka zu ru tho lawm…

Sangtei: Zuala, Sunday Sikul ah Miss Dorothy’n nu leh pa thu awihloh hi Pathian thu awihlohna a ni a tih kha...meizial I zuk ruk khan I pa te’n hrelo mahse Pathian in a hria nia…

Tetei: Hm…in inla fel over dun em mai….kei chu ka zawm vek peih teuh lo a nu leh a pa te thu…sawi kher lo ula hmanni ah pawh kan thiante nen Beer kan in ru…hiihi…

Sangtei: Awi leh Tete…I va’n a tak..i tih tam tak tak hma in sim daih rawh…

Tetei : A ho em mai...nakin ah nula tak tak kan nih a pasal kan neih hunah kan sim ve mai dawn a lawm…

Zuala: Mawia, mual ah chuan I lo chho ve peih em?  Meizial te kan zu ru thin a, kan nui vak vak zel…inrinni ah phei hi chuan kan tam thei lutuk…

Mawia: A…ka lo kal lo mai ang...a pa te’n an phal silo a…nu leh pa thu awihloh chu Pathian thu awihlohna a ni bawk si a…

Zuala: A ho e....kei chu ka awih reng peih lo…mahni duhdan a awm ve hrih ka chak...sikul te pawh ka tlan bo zauh zauh zel lawm…

Mawia: Zual...heti ang lam hi chu ti hrih lo ang u...thuawih hrih pahwt ang u…

Tetei: Mawia leh Sangtei chu an ‘gospel bik em mai…Zual, mualah chuan ka chho ve duh nia…I rual in ka lo kal ve nghal aw…

Pahnih pahnih chuan an inthen ta a.

Lan – III na

Mipa 3 leh Zuala leh Tetei te chu an inhmukhawm a (Thawmhnaw Street lam an ha a). Meizial leh Beer an keng a

Mipa 1: Kha..Silk cut hi in zuk ban ang u.a pa pawisa dah ka la ru a…ka lo lei a…

Zuala: keipawh a nu bag a mi cheng 100 ka la ru a..kuhva ka lo lei a..

Mipa 2 na: An hau che ngem Zuala?

Zuala: Ka la ru fo mai...an hre ngailo…ka lak tih an ring phalo lawm..

Tetei : Kha….Dispo’ Cup ka ah hian thli rawh u…beng chheng vaklo in in ang u…a zahthlak ve nia…

Mipa 3 na: Khawi...ka lo thli ang…

Mipa 3 na chuan a thli a...meizu pah chuan an in tliar tliar a..

Mipa 1 na: Kei chu Zu tak tak ka in chak...Beer chu a ho ka ti..

Zuala: Zu tak tak I in tawh a mi? Ka in chhin ve chak tho..

Mipa 1 na: Vawi 3 vel chu kan thiante nen kan in ve tawh…ruih a nuam reuh rap….kan lu te a hai a..

Mipa 3 na: Pawisa inthawh tawm ila..lei ila…

Tetei: Kei pawh ka tel ve duh…a nu hnenah lehkhabu leina tur 500 ka dil a…

Mipa 2 na: Lo kal rawh u…lein atur ka hria lawm..i kal ang u..

Zu lei tur chuan an kal liam ta a…

 

Lan –IV na

Sangtei leh Mawia te chu Sunday sikul bang a haw dun a.

Sangtei: Mawia...lo peng hrih la kan in ah...keini chu biak in kan hlat lo a...nangni chu biakin in hlat sia....chawhnu inkhawmna in tan a hla mai mai lawm

Mawia: Yes…van lawmawm dawn….

Sangtei: A nu in thingpui ka lo lum sak ang che u ti sa a…a hmeh tur pawh a lo lei lawk sa vek ang…

Mawia: Yes…a va nuam dawn...Sangtei chu nu leh pa fel tak I nei a I vannei bik…in chhungkua in inkhawm taima ropui si…

Sangtei: Awihawm bikloh! Nangpawh I nu leh pa thu I awih si…kan sikul ah leh Sunday sikul ah pawh nungchang tha ber I nih thu Miss Dorothy’n a tih ziah che kha..

Mawitea: Hm…nangpawh Miss Dorothy’n hmeichhe nungchang tha ber ah a sawi ve tho che kha aw….

Sangtei: Enteh Mawia…chuti ang sawi chhuah tak ah chuan Tetei leh Zuala hi ka ngaihtuah thei lutuk…

Mawia: A ni maw? Keipawh ka ngaihtuah nasa lawm...sikul an tlanbo zing si a...Sunday Sikul pawh an kailo fo leh nghal a…ka ngaihtuah nasa thei lutuk..

Sangtei: Beginner kan nih lai atangin Sunday sikul kan kai ho tawh a..ti hian Sikul kan kal tlang leh vek bawk a…an awm dan hi ka rilru an ti na…ka tawngtaipui tawp zel…

Mawia: Ni e…a pawi khawp mai tiraw? Zuala phei chu a rui fo thin an tia…an in ah pawh a haw ngailo a ni awm e…a nu hian a awmna I hria em tih min lo zawt leh thin a..

Sangtei: Chuti ang chiah chuan Tetei nu pawh hi a rilru a hah lutuk….zan ah te hian a haw tlai thei lutuk a a tia… Zuala te nen hian an rui thin tih te an sawi a..a pawi e…tawngtaipui tawp zel mai ang aw…?

Mawia: Tehreng mai…kar leh ah Kan sikul Hmuifang kan kal hun ah theihtawp chhuah in an nun dan tha lo te sim turin kan hrilh dun dawn nia….

Sangtei: Teh reng mai…in kan thleng ta..

Lan V – na

Sangtei nu leh pa te an lo lang a…

Kimkimi: Sangtei Pa…Sangtei te Sikul Hmuifang tlawh hi an lo haw dawn taw hem? I phone thei em an hotute?

Ruata: Nichin deuh kha chuan an hotute ka phone a, kan lo chhuak tep an tia…tun ah hei dar 4 a ri tawh a…an lo haw mek ang chu ka ti..

Kimkimi: An Sikul result a tha bawk a, an zirtitrtu te pawh an hlim ve ngawt ang…

Ruata: Ni e….Pathian malsawmna an dawng nasa khawp mai..

Pu Ruata Phone chu a lo ri ral ral a….

Ruata: Aw…aw ni e..Sangtei pa ka ni e.. a nimaw?! (mak ti deuh tak in)

Kimkimi: Eng thil nge nita Ruata? (Mangan hmel deuh takin)

Ruata: Aw le…a rang thei ang ber in kan lo kal nghal ang e…

Kimkimi: (Tah aw deuh tuau in) Tunge lo phone che a?

Ruata: Sangtei nu…..chiai lo in mangang nghal mai lo la..Sangtei te lo haw lam chu Falkawn daih ah an chuanna motor break fail a palh in kawngthlang ah a tlan liam a ni awm e..Falkawn hospital a kal vat tur in an  YMA Hruiaitu pakhat in min lo phone a nih kha…

Kimkimi: Awi Lalpa…(a inhup a..a tap deuh pur a…Ruata chuan a kuah a…)

Ruata: Kan driver ka’n phone ang a…Hospital lam pan chuan kan kal nghal dawn nia…Engpawh nise kan rilru in tawngtai phei mawlh mawlh mai ang.

Hmanhmhawh deuh takin an chhuak a…

Lan -VI na

Sangtei, Mawia, Zuala leh Tetei te chu Bus accident ah chuan vanduaithlak takin an boral hlauh mai a…an thlarau chu rorelna hmachhawn turin Lal Isua leh Setana hma ah chuan an inlan a…Vantirhkoh leh Setana tirkoh ramhuaite an awm ve bawk a.

Zuala: Mawia…(Tap deuh lek lek in..) kei chu thi tur hian ka la inpeihlo lutuk a sin…ka mangang em mai…

Mawia: Zuala, keipawh ka la inpeih bik a lo sin…(a kuah a..)

Sangtei: Tete..ka bul ah hian lo kal rawh…(Tetei chuan beidawn hmel takin Sangtei chu a kuah hnawp a...a tap a..)

Tetei: Sangte…kei chu hremhmun ka kal ngei ka ring…thi turin ka la inringlo a sin…ka la naupang a…ka thih nghal mai pawh ka ring lo a sin…(A dak chhuak hlek a)..awi leh…saw…Setana leh Isua an lo kal…

Setana leh Lal Isua chu Rorel turin Mitthi 4 te hma ah chuan an ding a...Vantirhkoh te’n an chanchin ziakna lehkhabu an lo keng a…

Isua: Gabriel…nunna bu kha keu la…Mawia leh Sangtei te hming kha awm chuan an chanchin han chhiar teh…a dam laia a thil tih ang zelin a chung ah ro kan rel sak ang.

Vantirhkoh chuan Nunna Lehkhabu chu a’n keu a…

Vantirhkoh: Mawia leh Sangtei te hi naupang fel tak leh Isua ring tlattu, nu leh pa thu awih, thil sual ti tur an an thlem chang leh thil sual tih an chak ve em em chang pawh an nu leh pa leh Pathian an hlauh avangin chung thil sual ti tur a an thlemna te chu na hnawl a..Isu…nangma hnen ah I puihna dil in an tawngtai thin a ni.

Isua: A lawmawm e…(Mawia leh Sangtei te lam a hawi a..)..Ka fapa te u…ka dinglam ah hian lo kal ula, ka hnen ah hian chatuan in chawl hahdam ang che u… (Mawia leh Sangte i chu hlim em em a nui chungin Isua bul a Vantrihkoh te bul ah chuan an phei a...Isua lam hawi chuan an thingthi a..)

Isua: Gabriel…Tetei leh Zuala kha an hming a awm em? An chanchin han chhiar ve teh le.

Vantirhkoh: Isu…Zuala leh Tetei te hming hi Nunna bu ah hian a chuang ve lo!

Isua: A va pawi tak em! (A indawm kun ngawih ngawih a)

Sertana: Hahaha..(ring takin a lo nui hluah hluah a..) Ka chhiahhlawh....Tetei leh Zuala chanchin kan ziahna kha han chhiar chhuak teh..

Ramhuai: Tetei leh Zuala te hi an thiante leh an nu leh pa te’n Lal Isua hnen pan turin vawi tam tak sawm mahse an ngaihtla duh lo a. Pawisa leh thil dang ruk te, zu in te, inkhawmloh te, sikul tlan bo the leh Lal Isua an rinloh avangin Aw Setan, I hremhmun buatsaih a lut turin kan hnenah kan lo lawm lut e…

Setana: Hahaha… a va lawmawm em! He lam ah lo kal rawh…(Ramhuai chuan Tetei duh lo chung chung chu a kai lui a..Isua chu lunngai takin a kun a)

Tetei: (Mangang taka a tap chungin)…Ka duhlo…min ngaidam rawh u…khawngaih takin…

Zuala: Isu…minkhawngaih rawh..(Ramhuai te chuan Setana lam pan in an pawt phei dawr dawr a)

Isua: Tete, Zuala....a va pawi em….in tlai tawh a ni….Sunday Sikul a inzir thin ang khan in dam laia in thiltih ang zelin rorel sak in ni a… kha lam ah khan inkal a ngai ta si a….a va pawi tak em!!! (A indawm kun tlawk tlawk a…)

The end…………….