Lawmthu kan hrilh che Lalpa

Kum 2006 a LPS in Youth Icon hmasa ber a buatsaih tuma K. Lalremmawia’n nalh tak leh nung tak maia a sak ‘Lawmthu kan hrilh che Lalpa’ tih hla hi vawiin thleng hian nalh ka tiin ka ngaithla nawn fo thin a. Kha Youth Icon hlutna leh ka hraitreng zuina chhan ber pawh he hla vang hian a ni.

K. Lalremmawia’n Cassette a siam hnu ah pawh khan he hla ‘Lawmthu kan hrilh che Lalpa’ tih hi ka ngaihtla ngun ber a, a thu hian min hnehin Pathian hnenah hian lawmthu sawi fo tur kan nih zia hi min hrit chhuah nawn tir fo thin.

He hla satu K. Lalremmawia hi ka va bia a, he hla ṭha tak mai phuahtu hi Aizawl Venghnuai a mi a nih thu leh a hming a hriat chhuah mai theih tawhloh thu min lo hrilh. 

Mihringte chu Pathian thu pek kan zawmloh avangin sualah kan tlu a, kan piantirh atangin sual kan ni tih Bible ah kan hmu a. Chu sual avang chuan mihringte leh Pathian inkar chu tih chhiatin a awm a, chatuana boral tur kan ni. Chuti ang kan lo nih tak vang chuan Pathian chuan keini mihring te chu Lal Isua kaltlangin hmangaihna nen chautuan nunna kan neih lehna turin min lo zawng chhuak leh a. Chu min hmangaihna leh min tlanchhuana avang chuan lawmthu sawiin he Chanchin Tha hi ram tinah hril ila, kan nunna leh kan chakna, kan theihna zawng zawng te hi Pathian hnena lawmthu sawi letna atan i hlan ang u.

Lalpa, lawmthu kan hrilh che a, I hmaah keini misual I chhandam te hi kan lo kun a. I duhzawng ti turin nangin min tanpui la, kan sualna leh bawhchhiatna zawng zawngte min hai der saka Lal Isua Krista kaltlanga chatuan nunna hlu tak mai min pek avangin lawmthu kan hrilh a che.

I anpui leh I duhtaka a siam keini mihringte hi I tan ka tling zo reng reng lo a. I mi siam chhan leh mawhphurhna min pekte hlen zolo in sual lamah kan peng bo va, i rilru kan tina thin. Mahse chuti chung chung chuan zahngaihna leh khawngaihna kan chungah I lan tir a. Kan sualna leh kan khawlohna zawng zawng te min ngaidam a, I ta kan nih leh theihna turin kan tan I fapa Lal Isua Krista min pe a in kan tan  Kraws a thiin a inpe a, Lalpa kan va lawm em! Engamh sawi tur dang kan neilo- I hmaah lo kun a lawmthu hrilh mai loh che cu.

Lalpa, min hmangaih avangin kan lawm e.

Lawmthu kan hrilh che Lalpa

Satu: K. Lalremmawia

Hringmi suala bo tawh hnu min zawng chhuak hmangaihna in

Tiang renga hmangaihtu dang hi an awm lo’ng he lei chin ah

A hmangaih hringfa te zawng hian

Chatuana nunna thu hlu hi ramtinah hrilin lawmin i au vang u

Khawvel zawng kan Lalpa tan pe a ram tina auvin
Kan nunna leh chaknate i hlan ang u

Lawmthu kan hrilh che Lapa

I hmaah kan lo kun e

I duhzawng ti atan nangin min pui la

Kan bawhchhiatna avanga thihna ata min tlantu

Nunna min pe a lawmthu kan hrilh che

Duhtaka i siamte hi tling zo reng kan awm silo

I mi siam chhan hre lo hian kan bo thin sualna lamah

Zahngaihna a khat kan Lalpa

Kan khawlohna te thaibo va kan za aia i inpekna avang hian

Lawmthu kan hrilh che Lapa i hmaah kan lo kun e

Zahngaihna khat Pathian i nih vangin