KAN INNGAIZAWNG EM?

CHAPTER XVIII

"A nu in a hmu"

Zirtawp Zan 

9:40PM

Ralthuam & Tunlai khawvel tih Facebook Group ah chuan KAN INNGAIZAWNG EM? tih thawnthu hi a link nen thlap post a ni thin a.  Chutah chuan a theih chen chenah Mali photo dah tel thin a ni.

Tumkhat chu chu group ah chuan mi pakhat hian a lo comment a:

"Bialnu i nei hmeltha sia, i thikawm tlat tawh a...tan han la sauh sauh teh"

"Ka bialnu a nilo...Mali (Fb ah mention in) han hrilh fiah teh"

Minute thum hnuah Mali chuan WhatsApp inbox ah chu comment-na leh Amah mention-na chu lo Screen Shot in a lo sent a...

"I sual thiam ve hle mai!"

"Aw...eng nge? Kan inngaizawnglo a, min duhloh thu ka ziah mawlh mawlh pawhin 'i bialnu' a lo la ti talh a, ka chhang thiam tawh lo lawm...nangmahin i hrilhfiah mai loh chuan..."

"I sual em mai aw...."

A reh deuh vang vang a. Facebook story group a post a nih hnuah WahtsApp ah bawk-

"A nu in a hmu nia aw...thlalak nen khan..."

"A hau che em? Engtin nge kan tih ang?"

"'Chiloh ve' a tia....thlalak kha awm vek bawk sia...."

"A nuamlo hle mai...engtin nge ni ang?"

"Pawilo...ho lutuk...."

"Phuahchawp a nih thu i hrilh lo a mi a?'

"Hrilh tho e...

"Ka lo ngaihtuah tawi hlek  ani...i nu ngaihtuahna a tang chuana ka hrethiam lutuk...."

Mali chuan Facebook a a hming dah dan chu a thlak phah a...mahse ka zawt zui duh kher lo. Story ziah zel ka phurna pawh chu a tlahniam ve ngal a...kan exzam lai a nih bawk avangin chawlhsan ka rilruk deuh a..

"Ziak tawh rilhlo mai rawh....exzam chhung phei chuan..."

Titawp tur chuan min la ti bik chiahlo tih ka hria - a changtunu ber hian.

"Ni e...kan exzam bawk nen....ka ziak tawh rihlo ang...."

A thawnthu pumpui chu tihtawp hlen daih mai ka duh rum rum a....mahse ka ngaihtuah neuh neuh a, a thawnthu kal zel dan tur leh a setting vel te chu ka ngaihtuahna ah chuan a lo lut zut zut a...ziahzawm zel chu Pathian zara dam chuan pawilo tihna ka nei a.

A ngaihnawm ta vaklo in ka hre bawk a...mahse ngaihtuahna thar nen kan ziahzawm leh ang- Pathian zara kan dam chuan. A changtupa hi Orissa/Odisha ah Missionary turin kan tir liam dawn nia.

Lehkha ka'n zir leh tawh hrih ang nge....

(End of XVIII)

Chapter XIX

Kuch Kuch Hota Hai

Zirtawp zan 9:47PM

WhatsApp ah Mali leh Rinawma an inbia a-

"Rinawm, Vaivakawnah kan insawn kha ka hrilh tawh che tiraw?"

"Aw....inluah lut fel tawh mi?"

"Um...hei vawiin ah kan luah fel a....naktuk ah lo leng la..."

"Zing chaw ka lo ei nghal mai dawn mi?"

"I thu thu lawm....mahse lo kal hma 'over' suh aw....hahhahhaha.."

"Khawilai ah tak khan nge in awm?"

"Zonet Zonuni te in kha i hria tiraw?....kha mi bul chiah ah khan...."

"Aw le...ngatinge in insawn chhan ber?"

"University kalna  a hnaih bakah ka pu in helai in hi min leisak a nia.."

"Aw le...a that nasat chu...Chuan min kalsan hlen dawnlo tihna mi?"

"Kha lam kha chu sawi tawhlo ang kan tih kha..."

"Min kalsan theilo nia....naktuk ah chaw ei laiin i bulah ka thu dawn  a nia..."

'Hahhaa.....i ngam phawt te chuan...."

Inrinni zing dar 6:30AM

Bus ah chuan Rinawma chu chuangin Vaivakawn a Mali te in thar ah chuan kal turin a chhuk ta hnek hnek a. Vaivakawn hi a bel em em lo a, mahse Zonuni te in bul a nih erawh chuan Mali te in chu a zawn hmuh mai theih a in ring a. 

Dar 7:25AM

Zonuni te in kawt zzwn atang chuan Rinawma chuan Mali chu a'n phon e. Mali chuan lo chhang in an inthar lamah chuan Rinawma chu a hruai chho ta a. Mali nu leh pa te nena chawhlui han kil ho chiah chu Rinawma pawh chuan nuamlo a ti ve deuhin a lai ve tut a, a ni leh nilo in a ngawi hmak mai. Mali bul ah pawh chuan a thu ngam ta chuang lo a, inhmachhawnin an thu ta thung a. 

Chaw ei chhung zawng chuan Rinawma chuan Mali ke chu a tlawh bet tlat a-a chhan chu Mali chuan kalsan lo se a duh vanga tlawh a ni. Mali tan pawh ke dahsawnna mai tur a awm chuanglo a, bakah han tal vak dawn se a nu leh pate'n an inkar tak tak kha hriat ve a hlauhawm avangin a ke chu a la sawn ta bik lo a.

Chaw ei chhung zawng chuan Rinawma chuan dawhkan hnuaia Mali ke chu a tlawh bet ta tlat a nih chu!

Chaw an eikham hnu chuan Mali chuan Rinawma thawmhnaw lo ken tlem leh an chhungkaw thawmhnaw te chu a su a. Rinawma chuan a lo pho chhuah sak zung zung a. Chuti ang chuan chawhma hun chu an tling tla ta a.

Chhun thingpui an in lai chuan

"Mali..kan inkar hi eng nge ni ber le?"

"Kan inkar chu hei Dawhkan pakhat a awm a nih hi...hahahahahahhaha...."

"Kan inlaichinna lawm ka zawh che"

"Kan inlaichin lo...."

'''Kuch Kuch Hota Hai' kha i en tawh em? A awmzia i hria em?"

"En tawh e...Sharuk Khan leh Kajool te kha ni lawm ni?"

"Ni e...Mizotawng khan i en tawh em?"

"En tawh ang...ka hre chiang tawhlo"

"'Kuch Kuch Hota Hai' chu 'kan inkar ah eng emaw chu a awmin a thleng a ni'-tihna ang vel a nia.."

"Hindi i va thiam ve...Vai i a ng bawk a!"

A nui nasa hle a...Rinawm pawh a nui tho!

"Hm....kan inkar hi 'kuch kuch' chu ni ve em?"

"Awi...nang Sharuk Khan... kei Kajol maw?.....hahhahaha..."

" I ngeiawm ve ngawt mai...engmah hi i la 'serious' duhlo a....min hnar duh bawk silo...min pawm duh bawk silo..."

"Hnar chu i duh  mi? Bakah ka pawm zolo ang che...ka sin ve em hi aw...."

"Hnar chu duhlo e......a nih thian kan ni em?"

'Nih hi...thian kan ni..."

"'Kuch Kuch' ah khan Sharuk Khan khan 'Hmangaihna chu inthianthatna' a ti sin...."

"Hm......i kailut nalh thei bawk si aw......i chimawm ve ngawt mai!"

Rinawma chuan 'cushion' chuan Mali chu a vawm a. Mali pawh chuan a lo vawm let ve a....chuti ang chuan an invawm tawn zel a...an ri chelchul a!

Mali chuan a lo vawm let leh chiah chu Rinawma phone TV bula mi chu  avawm fuh sak a, chhuatah tla in  aphel dar chuai a, battery chu thutphah hnuai ah chuan a sawt lut bawk a.

"Awi..tihpalh lutuk"

Mali chuan inthiamlo tak chuan phone tla darh nuai chu a'n chhar khawm sawk sawk a.

"A ho lutuk...tikhan kan vuah khawm ang nga, a nung ve leh mai ang"

An vuahkhawm hnu chuan a nung ta mai lo a! Mali inthiamlo hmel chu tha tak a ni!

"Rinawm...a zia lo e....nangmah hi law....cushion a mi vawm i ti chhuak ziah a"

"Phone la,vem ve hlei hnem...hahha"

"Hm....i sual em mia...phone chu a chhiat vaih chuan ka inthiam thei mihalo ang....."

A rilru chu a nuamlo tak tak a...Rinawma phone tih en tum chu a ngheng a, phone chu switch on tum in an try ngat ngat a...a eng mai theilo....

Rinawma hmai bul set ah chuan Mali chu inthiamlo hmel tak leh pawiti tak hian a lo hawi a...

"Rinawm...a nuamlo e...engtin nge min tih ang? Ka tihchhiat a ni sia..."

"Tihian ni mai........"

...tih pah chuan Mali hmui ah chuan a va fawp a....

Chutih lai tak chuan phone pawh chu lo in on in 'Gionee' tih chu screen ah 'yellow colour' chuan a lo in display mek a...

(End of XIX)