CHASED

JF Laldailova Dictionary kan en chuan ‘chase’ chu-um, sa pel, sa hnu chhui, inumna,-tihna a ni.  Sap film vel ah police in misual an um te pawh kan hrechhuak rum rum awm e. Mahse he kan sawi mek ‘chase’ hi misual a nilo a, hmeichhia- nula a ni. Nula hmeltha reuh tak, hmaifang tha tak leh mahni inrintawk hmel tak a ni a, a laiah hming chu ka sawilo mai ang.

Engtin nge ka hriat che?

Mizo Bloggers WhatsApp Group a tangin Chased-i chu ka hria a. Ka hriat dan bul thum, a Chepa kai erawh chu he WhatsApp group-a awm IAS fing vaklo-Avena Renthlei an tih thin, Aizawl Durtlang lam chhuak hian ka hming leh Chased-i hming chu a mention dun fo vang a ni. A tawi zawngin min dem fiam a, min hmehbel der a, keima lam ah hian a der mai nilo in a takin a bet deuh emaw ni!!!!!!!!!

Hmeichhe changkang tak a ni tih ka hria a, vawiin thlengin eng hna nge a thawh ka la hre theilo-ka zawt ngamlo a, Inkhel.com ah hian admin' chu a ni chiang! Kei ang a mipa nep-hmeichhe hmaa zam chhe thin hi a duh zawng mipa a nilo tih ka hria a. Mahse hei ‘man’ takin chhelo ka tih thu chu ka ziak a-over min ti leh si a-min ngei phah leh si a nih chuan tih theih ka neilo a ni mai!

A Facebook Profile ka check ru thin a. Chutah chuan thalak nalh tak tak a nei a, Jeans khup tet kekawr a ha thin a. Pastor ni ta ila nupui ah a tlak ang em tih ka ngaihtuah a, Jeans khup tet ha thin nazawng hi an lo sual lo tih a hriat phah a, mahse nupui a tan a tlak leh tlak loh chu ka ngaihtuah chhunzawm thuilo-a chhan chu a hun tak ah min kalsan daih zel avang in.

Hei, tun ah pawh I-League-a Aizawl FC leh Mohun Bagan Inkhel enturin Mualpui ah min kalsan leh daih hi! Dictionary pek min tum pawh an veng hming ka hriat a hlauh avangin ka hmelhriat dawr ah dah turin ka ti a, mahse a theihnghilh tawh niang-hriat reng tlak a nilo miau a!

Ka kalsan hlen dawn a piang a alo hnai leh thin hi a tum reng nge hre miahlo a tihpalh tih hi ka chhui chhuak zolo a. Hman ah Fb a ka status 1 chu Love in a lo react a-ka chaw ei tui zia kha! Mizo Context chuan Thangchhuah Pa nihawt in ka in hria!

Inbox ah English dictionary i duh em tiin min zawt leh nulh bawk a-awi!!!! Min zawh zan khan a bu chu min pe nghal se amah mitthla chung in word 1000 chu ka thiam nghal ka ring!

Ka hnaih chilh dawn hian a hla a, ka hlat viau tawh hi chuan awlsam te in a lam ah min hnuk hnai leh keuh thin! Chased...tinge lohtheihloh a ka chase che? I hming awmzia hi tun a i laka ka awm dan hi ni em?  I hming awmze diktak hi dictionary ah nilo in ka thinlung ah hian a va chiang em! Min hre ve miahlo chung pawhin hei ka chase che a, ka rilru ah hian i awm leh thin!

I photo hi 1 dah tel ka duh a, min haulo ang che aw? He ka thuziah hi i chhiar hun ah chuan kei chu ka zak ngawt ang. Mahse pawilo...’man’ deuh i duh a, ka thiam dan in ka ‘man’ ve ni mai. Mahse i lung ka dum zolo tih chu kan hriat vek kha-TS Khupchong te nen pawh.

Miss Dr. Laltei leh Miss Kukui te nu an ni tawh si a, nang chauh hi kan chase ngam awm chhun i nia..mahse i sulhnu bak ka hmu hman lo zel si a..pawilo mai... i nulat chung chu ka chase mai ang che...

  Chased