IH................................

Zan dar 9:12PM a ni a, tun lai hi kan exzam lai a ni. Library ah ka kal a, lehkha zir ka rilru ah a lut thei thlawt lo a, he thu hi ka ziak a ni.

A tak ah leh mumangah pawh ka hmulo rei tawh em em che a; tukin zing lam ah khan ka mumangah ka hmu che a. Dawr pakhat atang hian ka chhuak tur hi min lo nghak tlat a, mumang mah nise ka beiseiloh em avang hian tun thlengin mak ka la ti fan-ka mumang kha.

Facebook a ka unfriend hnu che hian a hmaa kan thian ni thin te photo/status i like leh like loh en hian ka thiante likers chu ka check fo thin-a zahthlakin a hreawm! I wall check leh tur hian huaisenna ka nei tawhlo a. I laka ka natna hi i tello a dam hlen tur hian ka theihtawp ka chhuah a, ka awm mai mai biklo. 

Heti tak hian ka lo hmangaih che hi ka ring lo a, ka hrethiamlo takzet a ni. Ka rilru atang hian reh tawhla ka duh em em a. Min tih rilru natzia te, min hnawl chian zia te a takin ka hria a, ka tuar bawk. Ka beisei tawhlo che a, i chanchin update ber hre turin ka ngaihtuahna ka seng ngailo bawk. Mahse tun thleng hian ka la hmangaih cheu che tih ka inhrechiang leh thin.

Ka ngaihtuah neuh neuh a, ka chhui kir neuh neuh thin. Chiang taka min hnawl dan te, min kalsan hlen chian zia te hi ka hmuh hmaih lo a, ka theihnghilh theilo. Ka thinlung i tikehchhe vek a, natna leh beidawnna ruam thuk ber ah thi mah ila pawi tilo rilru pu in min kalsan tih hi ka hria. Chuti chung chuan ka la hmangaih cheu che hi a mak ka ti takzet a ni. He kum thar hian rilru thar, nun thar min lo thlen ka ring in ka beisei teh lul nen-kan nun hlui khan tun thleng hian min la kalsan ve theilo a, hreawm ka ti takzet a ni!

I rilru thlak danglam turin tih theih ka neilo. Sawt tawh silo a i zun a uai reng tur hian chunglama mi hian vawiin thleng a ka rilru a la ti danglamlo tlat hi ka hrethiamlo na in A remruatna mak tak, ka hriatthiamphak rualloh chu thlen tir a duh a ni ang tih hi ka ring tlat a, ka ringhlel thei lo.

Engtikah emaw chuan tuna min huatna rilru te hi i pu renglo ang a, mi pangai ang lek a min theihnghilh hun te pawh a la awm ang. Kei pawh i zun in min phuar tlatna rilru hi ka la theihnghilh ve ka ring a, chung hun ah chuan kan la inhmu ve leh nawlh mai thei a sin tiraw? Mipa nep tak, i duhthusam ang a nangmah pawh chelh zolo khawp che a nep ka ni tih hi ka inpawm thlap a, engkim hi a bul atanga a tawp thleng in ka thiamloh vek a ni.

Pathian zara kan dam ve zel chuan engemaw kan la ni ve ve dawn a, kan dinhmun te pawh a in anglo ang. Chung hun ah chuan kei chuan ka tan a mi hlu ber i nih thinna rilru ang tho in ka la en dawn che a, nang erawh chuan i duh dan dan in min en dawn nia. 

 Pathian leh Hmangaihna chiah in i rilru an thlak danglam leh thei tih ka hria. Mahse engmah beisei ka neilo a, Lal Isua tan a ka nun leh hun pum hmang zo thei tur a awm hi ka duh ber a, tawngtai ka mamawh ber tih ka hria.

He ka thuziah he engtikah emaw chuan tun a ka rilru ang pu tawhlo in-lungleng ru fu si a ka chhiar hun a la thlen ngei ka beisei. Tun ah erawh chuan-

'Ka Hmangaih Che'