Kum 2014 World Cup lai kha a ni a, Orissa ah ka awm a, kei inkhel en hrat em em mai chuan Tv ka neih loh avangin hreawm ka ti hle. Mizoram ah chuan kartawp a lo thlen apiang hian kan țhiannu te nen hian kan inhau ziah-Inkhel ka en tui avangin an sms ka reply lo țhin a!
Chutia inkhel en ka'n nghei ngawt mai chu hreawm ka ti hle a. Han online ila World Cup hlir an sawi a, en chak a zual tulh tulh a. Kan inluah neitu te Tv chu ka han bih dek dek a, Cricket leh film an lo en a, bei an ti dawngin World Cup chu ka ha se?!
Chutia inkhel en chak a ka khum a ka online mai mai lai chuan ka Facebook Wall ah chuan Zazawn Puii tih a lo lang a, ka hmuh hnu a an em avang chuan ka'n enchiang a- Zonet Zonuni a lo ni a. Engtik laiin nge ka friend a lo nih le tiin mak ka ti a, a a/c a ni tak tak em tiin ka check a, a lo ni thlap si. Zak chung chungin ka'n text ve ta tawp a-
A bak chu sawi zel ta lo ila. Zoțawng hawrawpkim a ka ziah a vang chuan min lo reply ve hlauh mai a. Ka lawm zia leh ka zah zia kha aw!!! Pathian țih mi tak, a hna a rinawm em em, awmnem tak leh paukhauh ru fu sia nih zia te ka hria. A induhloh zia hi mak ka ti țhin a, kei teh lul min lo reply ve hi ka tan chuan Obama hmuh aiin a lawmawm zawk!
Ka duh duh a ka hauh ngam, ka ngaihsan em em leh ka fak ngam a ni a, a ni pawhin min lo dawngsawng ve zel a, țawngțaipui a ngaihna min lo hrilh ve țhin.
Ka hringnun ah hian thil hlu tak tak leh hriat reng tur thil te ka lo tawng ve ta nual a. Pathian zar ah leh Pathian vang chauh a A țhian ka ni a, a chhan dang a awm lo. Miss, i țhian ka nih angin ka lawm em em a, Pathian ropui ber zel rawh se!
Comments
Post a Comment