Skip to main content

Mari nun tangin eng nge kan zir tur?

Kan Bible-a hmeichhe ropui ber chu Lal Isua Krista lo pianchhuahna Mari hi a ni ti ila kan sawi sual awm lo e. Kum tam tak kaltaa Pathian thutiam; khawvel chhandamtu tur Lal Isua Krista pianna tlak nun a nei leh tihhlawhtlina a awm theihna tura Mari inpumpekna zawng zawngte hi khawvel kan awm chhung leh chatuan thleng pawha kan sawi ban theih loh tur a ni ngei ang.

A  chanchin tawi: Mari hming awmzia hi ‘khakna’ (bitterness) tihna a ni a. Juda hnam atanga lo chhuak niin Chhanchin Tha Luka ziaka kan hmuh dan chuan Davida fapa Nathna thlah kal zel a mi a ni a(Luka 3:23-38), a pasal Josefa erawh Davida fapa Solomona thlah kal zel a mi a ni thung. Dr. Henry M. Morris, ‘The Defender’s Study Bible’ tih lehkhabu ziaktuin a sawi dan chuan, “Josefa hi chu Jakoba fapa a nih tih chiang takin kan hmu a(Matt. 1:16); helai thu vek hi Luka chuan Josefa pa hi Helia tiin a sawi thung a(Lk. 3:23). A nihna takah chuan Luka hian Mari thlahtute chanchin min hrilh a ni. Luka’n Josefa hi Helia fapa tia a sawi a makpa tia sawi theih a ni a, a tawngbul lamah pawh fapa emaw makpa emaw tiin hman theih a ni. Engpawhchu nise, Mari leh Josefa te hi Davida thlah an ni a. Josefa hi Solomona thlah kal zel niin Mari erawh chu Nathana thlah kal zel a mi a ni thung” tiin a sawi.

An hun laia khaw ropui lo ve tak Nazaret atanga seilian niin Josefa nen an inhual lai hian kum 13 emaw 14 emaw vel a upa niin an ngai a. Nula thianghlim niin Josfa nen an inneih hma hian Tharau Thianghlim kal tlangin Lal Isua Krista a pai tur thu Vantirhkoh Gabriela’n hrilhin Lal Isua Krista chu amah kal tlangin a lo piangchhuak tih kan hre thei awm e. 

Mari chanchinah hian a pasal Josefa hi a lang tam lo hle a; Bible zirmite chuan Josefa hi a dam rei loin Mari hi a hmeithai zui ta niin an ngai a. Lal Isua bakah hian apasal Josefa nen hian fpa 4 leh fanu 2 a nei bawk(Matt. 13:55, Marka 6:3). A boral dan chungchang hi Bible-ah kan hmuh loh avangin kan sawi zui lo mai ang. 

Mari nun atanga zirtur kan neih te lo tarlang ila-

1. Pathian hian a thiltum ropui tak tihhawlthlinna tur hian a laka rinawm te a hmang thin tih Mari nun atang hian kan hmu chiang hle. Mari leh Josefate hi chhungkaw hausa leh ropui a ni lo tih an thilpek hlan tur lo ken atang hian kan hmu chiang hle a. Leveticus bung 12 kan chhiar chuan hmeichhiain fa an hrin hnuah an inthen thianghlimna turin halral thil hlanah beram no kumkhat mi leh sual thawina tur parva no emaw thuro emaw hman a ngai tih kan hmu a. Beram no nei pha lo khawpa an harsa a nih chuan thuro emaw parva emaw tuakkhat hlan a ngaih thu kan hmu a; Mari te chhungkua hian Beram no nei zo loin thuro tuak khat emaw parava tuak khat emaw hlan turin Jerusalem-ah an kal tih kan hmu a(Lk. 2:24). Pathian hmanrua ni tur hian hausak aiin kan nun dan a pawimawh zawk a ni. 

2. Pathianin tihtur min pekte thuawih taka tihhlawhltina kan tumna kawnga kan inpekna hi a hmuhhmaih ngai lo a. Mari tan pasal nei miah loa fa pai ngawt kha thil awlsam leh nuam a ni lo a; a pasal hual Josefa leh an ram leh hnamin an hmuh dan tur te kha a ngaihtuah pha thiam ve vek dawn a. Mosia dan atang phei uire tluk niin lunga denhlum mai hmabak a ni. Mahse chung zawng zawng huama a inpekna kha Pathianin a hre reng a; chatuan atan hmeichhe vannei ber a ni tawh dawn a ni.  

3. Pathianin a thil tum tihhlawhtlinna atan hian mipa leh hmeichhia te hi a hmang duh. Mipa te chauh hi Kohhran enkawltu, roreltu leh engkima engkim ni turin Pathianin a ruat bik lo a; a tul a tih hunah chuan hmeichhiate pawh hi a la hmang zel dawn a ni. 

4. Pathian nen chuan engkim a tih theih a ni(Luke 1:37). Khawvel dan piah – mipa chi tel loa Mari pawh naupai tir theitu Pathian chuan; i harsatna leh i buaina eng anga nasa leh lian pawh a chinfel theih loh i ring em ni?

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more